മരുഭൂമിയിലെ ശബ്ദം

ഞാൻ ഈയിടെ വായിച്ച ഒരു പുസ്തകം പരിചയപ്പെടുത്തുന്നു: കേരളത്തിലെ സാമൂഹ്യപരിവർത്തനം. ഗ്രന്ഥകർത്താവ് ഡോ.സാമുവൽ നെല്ലിമുകൾ. 1947 ൽ അടൂരിന് അടുത്ത് ജനിച്ച അദ്ദേഹം മലയാളം ഐച്ഛികവിഷയമായി എടുത്തു MA യും പിഎച്ച്ഡിയും കരസ്ഥമാക്കി. തിരുവനന്തപുരം മാർ ഇവാനിയോസ് കോളജിലും കോട്ടയം സിഎംഎസ് കോളജിലും മലയാളം അധ്യാപകനായി. 2003 ൽ റിട്ടയർ ചെയ്യുമ്പോൾ അദ്ദേഹം സിഎംഎസ് കോളേജിലെ മലയാള വിഭാഗം തലവനായിരുന്നു. സാഹിത്യസംബന്ധിയായും ചരിത്ര സംബന്ധിയായും നിരവധി ഗ്രന്ഥങ്ങൾ അദ്ദേഹം രചിച്ചിട്ടുണ്ട്.  450 ഓളം പേജുകളുള്ള ഈ പുസ്തകം 2003 ൽ പ്രസിദ്ധീകരിക്കപ്പെട്ടപ്പോൾ 255 രൂപയായിരുന്നു വില. ഗ്രന്ഥകർത്താവിന്റെ  പ്രസ്താവനയിൽ പറഞ്ഞിരിക്കുന്നത് പോലെ പത്തൊമ്പതാം നൂറ്റാണ്ടിൽ കേരളത്തിലെ സമൂഹഘടനയ്ക്കും സംസ്കാരത്തിനും സംഭവിച്ച പരിവർത്തനത്തെപ്പറ്റി വസ്തുനിഷ്ഠമായി നടത്തിയ ഒരു പഠനം ആണിത്. പത്തൊമ്പതാം നൂറ്റാണ്ടിന്റെ ആദ്യപകുതിയിൽ പൊതു വിദ്യാഭ്യാസം അച്ചടി തുടങ്ങിയ മാർഗങ്ങളിലൂടെ മിഷനറിമാർ തുടക്കം കുറച്ചതാണ് ഈ പരിവർത്തനം എന്ന് ഗ്രന്ഥകർത്താവ് സമർഥിക്കുന്നു. കേരള നവോഥാനത്തിന്റെ മുന്നണിപ്പോരാളികളായി നാം ഇന്ന് മനസ്സിലാക്കുന്ന ശ്രീ നാരായണഗുരു, സഹോദരൻ അ

  ഞാൻ വായിച്ച ഒരു പുസ്തകം പരിചയപ്പെടുത്തുന്നു --ഇന്ദുലേഖ. ഗ്രന്ഥകർത്താവ് ഓ. ചന്തുമേനോൻ. മലയാളത്തിലെ ആദ്യ നോവൽ എന്ന് വിളിക്കപ്പെടുന്ന ഈ ഗ്രന്ഥം പ്രസിദ്ധീകരിച്ചിട്ട് ഇപ്പോൾ ഏതാണ്ട് 130 വർഷം കഴിഞ്ഞിരിക്കുന്നു. അന്നുമുതൽ ഇന്നുവരെ അനേകം പതിപ്പുകളിലായി ഏതാണ്ട് ഒന്നരലക്ഷത്തോളം കോപ്പികൾ വിറ്റഴിഞ്ഞു. ചന്തുമേനോൻ ജനിച്ചത് 1847 ൽ, അതായത് നമ്മുടെ രാജ്യത്തിന് സ്വാതന്ത്ര്യം ലഭിക്കുന്നതിന് നൂറു വർഷങ്ങൾക്കു മുമ്പ് ആണ്. കണ്ണൂർ ജില്ല ആണ് അദ്ദേഹത്തിന്റെ സ്വദേശം. ഇംഗ്ലീഷ് സ്കൂളിൽ പഠിച്ച ശേഷം പതിനേഴാം വയസ്സിൽ കോടതിയിൽ ഗുമസ്തനായി ജോലിയിൽ പ്രവേശിച്ചു. അമ്പത്തിരണ്ടാം വയസ്സിൽ രോഗബാധിതനായി മരിക്കുമ്പോൾ അദ്ദേഹം കോഴിക്കോട് സബ് ജഡ്ജിയായിരുന്നു. മലയാളത്തിൽ അക്കാലംവരെ കവിതകളും നാടകങ്ങളും അല്ലാതെ നോവലുകളോ കഥകളോ ഇല്ലായിരുന്നു. ഇംഗ്ലീഷ് നോവലുകൾ വായിക്കുന്ന ചന്തുമേനോൻ അതിൽ ഒന്ന് മലയാളത്തിലേക്ക് മൊഴിമാറ്റം നടത്തുവാൻ ആഗ്രഹിച്ചു.  എന്നാൽ അത് വേണ്ടത്ര ഫലവത്താകുകയില്ല എന്ന് തോന്നിയിട്ട് താൻ വായിച്ചിട്ടുള്ള ഇംഗ്ലീഷ് നോവലുകളെ മാതൃകയാക്കി ഒരു നോവൽ രചിക്കുവാൻ മുതിർന്നു. അക്കാലത്തെ ഒരു സമ്പന്ന നായർ തറവാടാണ് കഥയുടെ പശ്ചാത്തലം. 1

 ഞാൻ ഈയിടെ വായിച്ച ഒരു പുസ്തകം പരിചയപ്പെടുത്തുന്നു-- തിരുക്കുറൽ.  തിരുവള്ളുവർ തമിഴിൽ രചിച്ച ഈ പുസ്തകം മലയാളത്തിലേക്ക് തർജ്ജമ ചെയ്തിരിക്കുന്നത് വി. വി. അബ്ദുള്ള സാഹിബ്. 15 നൂറ്റാണ്ടുകൾക്ക് മുമ്പ് ജീവിച്ചിരുന്ന ഈ മഹാദാർശനികൻ ഒരു മഹാകവിയുമായിരുന്നു. വില തീരാത്ത അറിവിന്റെ പൊൻമുത്തുകൾ 7 വാക്കുകൾ വീതമുള്ള 1330 ഈരടികളിൽ അദ്ദേഹം ഭംഗിയായി അടുക്കി വച്ചിരിക്കുന്നു. 10 ഈരടികളുള്ള 133 അദ്ധ്യായങ്ങളായി അവയെ തിരിച്ചിരിക്കുന്നു. തിരുക്കുറൽ എന്നാൽ വിശുദ്ധ കാവ്യം എന്ന് അർത്ഥമാക്കാം. മനുഷ്യൻ അർത്ഥവത്തായ, വിജയകരമായ ഒരു ജീവിതം നയിക്കേണ്ടത് എങ്ങനെ -- അതാണ് അതിന്റെ വിഷയം. ലോകത്തിലെ അനേകം ഭാഷകളിലേക്ക് ഈ  കാവ്യം മൊഴിമാറ്റം ചെയ്യപ്പെട്ടു. ലോകത്തിൽ  ഏറെ ആദരിക്കപ്പെടുന്ന ഈ ഗ്രന്ഥം നമ്മുടെ തെക്കേ ഇന്ത്യയിലാണ് ജന്മമെടുത്തത് എന്നുള്ളത് നമുക്ക്  അഭിമാനകരമാണ്. ഈ മഹാദാർശനികന്റെ ദർശനം അല്പം നമുക്കൊന്ന് രുചിച്ചു നോക്കാം.  ജീവിതത്തിലെ വിഷമങ്ങളെയും ദുഃഖങ്ങളെയും നേരിടേണ്ടത് എങ്ങനെയാണ് എന്ന് വിശദമാക്കുമ്പോൾ ദുഃഖമോ ആഹ്ലാദമോ നമ്മുടെ നിയന്ത്രണം ഏറ്റെടുക്കുവാൻ അനുവദിക്കരുത് എന്ന് അദ്ദേഹം ഉപദേശിക്കുന്നു. ദുഃഖിക്കേണ്ട അവസരങ്ങൾ വര

 സുഹൃത്തുക്കളെ,  ഈയിടെ ഞാൻ വായിച്ച ഒരു പുസ്തകം പരിചയപ്പെടുത്തുന്നു. തസ്ലീമ നസ്റിൻ രചിച്ച വീട് നഷ്ടപ്പെട്ടവൾ. നിർബാസൻ എന്ന പേരിൽ ബംഗാളി ഭാഷയിൽ രചിക്കപ്പെട്ട ഈ നോവൽ പിന്നീട് വിവിധ ഭാഷകളിലേക്ക് തർജ്ജമ ചെയ്യപ്പെട്ടു. മലയാളത്തിലേക്ക് തർജ്ജമ ചെയ്തത് എം കെ എൻ പോറ്റി. ഗ്രീൻ ബുക്സ് പ്രസിദ്ധപ്പെടുത്തിയിരിക്കുന്നു.  1962 ൽ ഒരു ഡോക്ടറുടെ മകളായി ബംഗ്ലാദേശിൽ ജനിച്ച തസ്ലീമയും മെഡിസിൻ പഠിച്ച് ഒരു ഡോക്ടറായി. അതോടൊപ്പം കവിതകളും ലേഖനങ്ങളും കഥകളും എഴുതാൻ ആരംഭിച്ചു. സ്ത്രീ സ്വാതന്ത്ര്യത്തിനു വേണ്ടി ശക്തമായ നിലപാടുകൾ എടുത്ത തസ്ലിമയുടെ കൃതികൾ ലോകമെങ്ങും വായിക്കപ്പെട്ടു. ആദ്യകാലത്ത് എഴുതിയ എന്റെ പെൺകുട്ടിക്കാലം,  യൗവനത്തിന്റെ മുറിവുകൾ എന്നീ പുസ്തകങ്ങൾ ആത്മകഥാപരമാണ്.   1992 ഇന്ത്യയിൽ ബാബ്റി മസ്ജിദ് തകർക്കപ്പെട്ടു. അതുയർത്തിയ മത വർഗീയ വികാരങ്ങളുടെ അലയൊലികൾ ബംഗ്ലാദേശിലും ആഞ്ഞടിച്ചു. ആ വിഷയം പ്രമേയമാക്കി തസ്ലീമ രചിച്ച ലജ്ജ എന്ന നോവൽ ലോകപ്രശസ്തി ആർജിച്ചു. അതിന്റെ പേരിൽ ബംഗ്ലാദേശിൽ അവർക്ക് നേരെ വധഭീഷണി ഉണ്ടാവുകയും അവർക്ക് സ്വന്തം നാട് വിട്ടു പോകേണ്ടതായും വന്നു. വർഗീയതയ്ക്കും മതഭ്രാന്തിനും എതിരെ ശക്തമായ നിലപാടുകൾ എട

അനേകം systems ഉം subsystems ഉം  ചേർന്ന ഒരു സങ്കീർണ്ണ മെക്കാനിസം ആണ് നമ്മുടെ ശരീരം. ശരീരത്തെ താങ്ങി നിർത്തുന്ന skeletal system, അതിനെ ചലിപ്പിക്കുന്ന Muscular System, അതിന് ഊർജ്ജം എത്തിക്കുന്ന  circulatory system, മാംസപേശികളിലേക്ക് നിർദ്ദേശങ്ങൾ എത്തിയ്ക്കുന്ന nervous system, ഊർജ്ജം ഉൽപാദിപ്പിക്കുന്ന digestive system ഇങ്ങനെ നിരവധി systems ചേർന്നതാണ് നമ്മുടെ ശരീരം. നമ്മുടെ ശരീരം ഒരു രാജ്യം പോലെയാണെങ്കിൽ അതിന്റെ ഭരണകൂടം തലച്ചോറാണ്. രാജ്യത്തിന്റെ എല്ലാ കോണുകളിൽ നിന്നും ഉള്ള യഥാർത്ഥ വിവരങ്ങൾ ഭരണകൂടത്തിൽ യഥാസമയം എത്തേണ്ടത് ആവശ്യമാണ്. അതുപോലെ ഭരണകൂടത്തിന് രാജ്യത്തുള്ള എല്ലാ ജനങ്ങളോടും വേഗത്തിൽ ആശയവിനിമയം ചെയ്യാനും കഴിയണം. നമ്മുടെ ശരീരത്തിൽ ഇത് സാധിക്കുന്നത് nerves വഴിയാണ്. ശരീരത്തിലെ എല്ലാ ഭാഗങ്ങളിൽ നിന്നും ഉള്ള വിവരങ്ങൾ യഥാസമയം  sensory nerves വഴി തലച്ചോറിൽ എത്തുന്നു. അവിടെ നിന്ന് ശരീരത്തെ ചലിപ്പിക്കാൻ ആവശ്യമായ നിർദ്ദേശങ്ങൾ motor nerves വഴിയായി മാംസപേശികളിൽ എത്തുന്നു. Brain, spinal cord, nerves -- ഇത്രയും ചേർന്നതാണ് nervous system.  ഒരു രാജ്യം നന്നാവണമെങ്കിൽ അതിന്റെ ഭരണകൂടം നന്നാവണം. അതുപോലെ ന