മരുഭൂമിയിലെ ശബ്ദം

അറിവിനെക്കുറിച്ചുള്ള അറിവ് , അതാണ്‌ നമ്മുടെ ചിന്താവിഷയം . ജീവശാസ്ത്രം , സാമ്പത്തികശാസ്ത്രം , മനശാസ്ത്രം തുടങ്ങിയ ശാസ്ത്രശാഖകള്‍ നമുക്ക് പരിചിതമാണ് . എന്നാല്‍ അറിവുശാസ്ത്രം അഥവാ ജ്ഞാനശാസ്ത്രം എന്നൊരു വിജ്ഞാനശാഖയെപ്പറ്റി നമ്മില്‍ മിക്കവരും കേട്ടിരിക്കാനിടയില്ല . ജീവികളെക്കുറിച്ചും സമ്പത്തിനെക്കുറിച്ചും മനസ്സിനെക്കുറിച്ചും മറ്റും നമുക്ക് അറിവ് നേടാം , എന്നാല്‍ അറിവിനെക്കുറിച്ച് അറിവ് നേടാനാകുമോ എന്ന് നാം അതിശയിക്കും . Epistemology എന്ന പേരില്‍ ഫിലോസഫിയില്‍ ഒരു പഠനവിഭാഗമുണ്ട് . Episteme എന്ന ഗ്രീക്ക് വാക്കിന് അറിവ് എന്നാണര്‍ത്ഥം . Epistemology എന്നാല്‍ അറിവിനെക്കുറിച്ചുള്ള പഠനം എന്നര്‍ത്ഥം . Cognitive psychology എന്ന ഒരു മനശാസ്ത്രവിഭാഗം ഉണ്ട് . മനസ്സ് കൊണ്ടാണല്ലോ നാം അറിവ് നേടുന്നത് . അതുകൊണ്ട് മനസിനെക്കുറിച്ചുള്ള പഠനത്തിന്റെ ഭാഗമായി അറിവിനെക്കുറിച്ചുള്ള പഠനവും ഉള്‍പ്പെടുത്തിയിരിക്കുന്നു . Psychology യും Philosophy യും പഠിക്കുന്നവര്‍ക്ക് മാത്രമല്ല , എല്ലാവര്‍ക്കും അറിവിനെക്കുറിച്ച് കുറച്ച് അറിവുണ്ടാകുന്നത് നല്ലതാണ് . എന്താണ് അറിവ് ? ആരാണ് അറിവ് നേടുന്നത് ? നാം അറിവ് നേടുന്നത് എന്

കെ . ജോസഫ് സഖറിയ കൊച്ചുപുരയ്ക്കല്‍ മലങ്കര സഭയുടെ ചരിത്രം അതിസങ്കീര്‍ണമാണ് . എങ്കിലും അത് മനസിലാക്കണമെന്ന് ആത്മാര്‍ഥമായി ആഗ്രഹിക്കുന്ന ഒരു സഭാസ്നേഹി അതേപ്പറ്റി നിലവിലൂള്ള ഒട്ടനവധി ഗ്രന്ഥങ്ങള്‍ വായിച്ച് ഗ്രഹിക്കുകയും , ഒടുവില്‍ അതിന്റെ രത്നച്ചുരുക്കം സാധാരണ വായനക്കാര്‍ക്ക് വേണ്ടി എഴുതി വയ്ക്കുകയും ചെയ്തു . ഒരു പുസ്തകങ്ങളിലും കണ്ടെത്താന്‍ കഴിയാതിരുന്ന ചില പുതിയ വിവരങ്ങളും അതോടൊപ്പം കൂട്ടിച്ചേര്‍ത്തു . മലങ്കരസഭാ ചരിത്രത്തില്‍ നിര്‍ണായകമായ പങ്ക് നിര്‍വഹിച്ച ചില അല്‍മായ പ്രമുഖരുടെ കുടുംബത്തില്‍ നിന്നാണ് ഈ ഗ്രന്ഥകാരന്‍ വന്നിരിക്കുന്നത് . അതുകൊണ്ട് മറ്റാര്‍ക്കുമറിയാത്ത ചില വിവരങ്ങള്‍ തന്റെ സ്വന്തം കുടുംബചരിത്രത്തിന്റെ ഏടുകളില്‍ നിന്ന് കൂട്ടിച്ചേര്‍ക്കാന്‍ ഗ്രന്ഥകാരന് കഴിഞ്ഞിരിക്കുന്നു . അതുകൊണ്ട് തന്നെ വെറും 80 പേജില്‍ ഒതുങ്ങുന്ന ഈ ചരിത്രഗ്രന്ഥം അമൂല്യമാണെന്നതിന് രണ്ടുപക്ഷമില്ല . പത്തൊന്‍പതാം നൂറ്റാണ്ടിന്റെ പകുതി വരെയുള്ള മലങ്കരസഭാചരിത്രം ആദ്യം സ്വന്തം കാഴ്ചപ്പാടിലൂടെ അദ്ദേഹം ചുരുക്കി എഴുതുന്നു . അതിന് അദ്ദേഹം അവലംബമാക്കിയിരിക്കുന്നത് നിലവിലുള്ള ചരിത്ര ഗ്രന്ഥങ്ങള്‍ തന്നെയാണ് . 15 ചരിത

പടിഞ്ഞാറന്‍ യൂറോപ്പിലുള്ള ആളുകള്‍ 16 മുതല്‍ 19 വരെയുള്ള നാല് നൂറ്റാണ്ടുകള്‍ കൊണ്ട് ലോകത്തിന്റെ ഏതാണ്ട് മിക്ക ഭാഗങ്ങളും വെട്ടിപ്പിടിക്കുകയും കൊള്ളയടിക്കുകയും ചെയ്തു . അവരുടെ പിടിയില്‍ നിന്ന് രക്ഷനേടാന്‍ ലോകജനത ഒട്ടേറെ വിഷമിച്ചു . അന്നവര്‍ അവശേഷിപ്പിച്ചിട്ട് പോയ പ്രശ്നങ്ങള്‍ അതിജീവിക്കുവാന്‍ ഇന്നും ലോകമെങ്ങും മനുഷ്യര്‍ പെടാപ്പാട് പെടുന്നു . ലോകമെങ്ങും യാത്ര ചെയ്യാനും ആരോടും പടപൊരുതി ജയിക്കാനും വേണ്ട സാങ്കേതിക വിദ്യ അവര്‍ സ്വായത്തമാക്കിയിരുന്നു . ഈ സാങ്കേതികവിദ്യ ഉപയോഗിച്ച് ലോകത്തെ കുറേക്കൂടി നല്ല ഒരു സ്ഥലമാക്കി മാറ്റുവാന്‍ അവര്‍ക്ക് ശ്രമിക്കാമായിരുന്നു . അതിന് പകരം മറ്റ് നാടുകളിലുള്ള സമസൃഷ്ടങ്ങളെയെല്ലാം കൊള്ളയടിക്കുകയും സ്വന്തം കീശ വീര്‍പ്പിക്കുകയുമാണ് അവര്‍ ചെയ്തത് . അറിവും സംസ്കാരവും വേണ്ടുവോളമുണ്ട് എന്നഭിമാനിച്ചിരുന്ന അവര്‍ ലോകമെങ്ങുമുള്ള മനുഷ്യരെ കൂടുതല്‍ ദാരിദ്ര്യത്തിലേക്കും അജ്ഞതയിലേക്കും കലഹങ്ങളിലേക്കും തള്ളിവിട്ടു . കൊള്ളയടിച്ചതൊന്നും അവര്‍ക്ക് ഗുണപ്പെട്ടുമില്ല . രണ്ട് ലോകമഹായുദ്ധങ്ങള്‍ നടത്തി അവര്‍ എല്ലാം മുടിച്ചു . ഇത്രയും നിരുത്തരവാദപരമായി പ്രവര്‍ത്തിക്കുവാന്‍ യൂറോപ്പുക

അടിമത്തത്തെപ്പറ്റി ചിന്തിക്കുമ്പോള്‍ നമ്മുടെ മനസില്‍ വരുന്നത് അമേരിക്കയിലെ അടിമത്തമാണ്‌ . എന്നാല്‍ നമ്മുടെ ഈ കേരളത്തില്‍ തന്നെ വെറും ഒരു നൂറ്റാണ്ടു മുമ്പ് വരെ അടിമത്തം നിലവിലിരുന്നു എന്നത് നമ്മില്‍ പലരെയും അതിശയിപ്പിക്കും . പുലയര്‍ , കുറവര്‍ , പറയര്‍ , വേടര്‍ തുടങ്ങിയ ആളുകള്‍ അക്കാലത്ത് അടിമകളായിരുന്നു . കന്നുകാലികളെപ്പോലെ അവരെ വില്‍ക്കുകയും വാങ്ങുകയും ചെയ്തിരുന്നു . പത്തൊന്‍പതാം നൂറ്റാണ്ടില്‍ രാജവിളംബരം മൂലം അടിമത്തം നിരോധിച്ചെങ്കിലും അത് പ്രയോഗത്തില്‍ വരുവാന്‍ പിന്നെയും അധികകാലം വേണ്ടി വന്നു . അടിമത്തം മാറിയപ്പോള്‍ അതിന്റെ സ്ഥാനത്ത് ജന്മിത്ത വ്യവസ്ഥിതി വരികയും , അടിമകള്‍ കുടിയാന്മാരായി തുടരുകയും ചെയ്തു . കഴിഞ്ഞ നൂറ്റാണ്ടില്‍ ഇന്ത്യ മുഴുവന്‍ കാല്‍നടയായി യാത്ര ചെയ്ത ശ്രീ വിവേകാനന്ദന്‍ ഈ നാടിനെ ഭ്രാന്താലയം എന്ന് വിളിച്ചത് വെറുതെയല്ല . മനുഷ്യനെ മുഗമായി കാണുന്ന ഒരു വ്യവസ്ഥിതിയാണ് ഇവിടെ നിലവിലിരുന്നത് . അനേകം മനുഷ്യജാതികള്‍ -- കൂടിയ ജാതികള്‍ കുറഞ്ഞ ജാതികള്‍ . ബ്രാഹ്മണരെക്കാള്‍ കുറഞ്ഞവര്‍ നായന്മാര്‍ . അവരെക്കാള്‍ കുറഞ്ഞവര്‍ ഈഴവര്‍ . അവരിലും കുറഞ്ഞ അടിമവര്‍ഗ്ഗക്കാര്‍ . കുറഞ്ഞ ജാതിക്കാര്

എന്റെ സുഹൃത്തായ പ്രസന്നന്‍ എന്നോട് ചോദിച്ച ചില ചോദ്യങ്ങളും അവയ്ക്കുള്ള എന്റെ ഉത്തരങ്ങളും ഇവിടെ കൊടുക്കുന്നു. മലയാളസാഹിത്യത്തില്‍ മാസ്റര്‍ ബിരുദം നേടിയ പ്രസന്നന്‍ ഒരു കവിയും ചിന്തകനുമാണ്.  1. ക്രിസ്റ്റ്യാനിറ്റിയിൽ  സാർ കണ്ട നൻമ എന്താണ് മറ്റു മതങ്ങളിൽ നിന്ന് വിഭിന്നമായി ? മതങ്ങളെ താരതമ്യം ചെയ്യേണ്ട ആവശ്യമില്ല എന്നാണ് ഞാന്‍ മനസിലാക്കുന്നത്. എന്റെ മാതാപിതാക്കള്‍ ക്രിസ്ത്യാനികളായത് കൊണ്ടാണ് ഞാനും ക്രിസ്ത്യാനിയായത്. അവര്‍ ഹിന്ദുക്കളായിരുന്നെങ്കില്‍ ഞാനും ഹിന്ദുവായേനെ. മതം നമ്മുടെ സംസ്കാരത്തിന്റെ ഭാഗമാണ്. നമ്മുടെ സംസ്കാരം നമുക്ക് പൈതൃകമായി ലഭിക്കുന്നു. സംസ്കാരത്തിന്റെ ഭാഗമായ മതം, ഭാഷ, ഭക്ഷണരീതികള്‍, വസ്ത്രധാരണരീതികള്‍ ഇവയെല്ലാം സംസ്കാരത്തിന്റെ ഭാഗമാണ്. മലയാളം എന്റെ മാതൃഭാഷയായിരിക്കുന്നതുപോലെ ക്രിസ്തുമതം എന്റെ മാതൃമതമാണ്‌. മറ്റു പല ഭാഷകളും നാം പഠിക്കുകയും കുറെയൊക്കെ ഉപയോഗിക്കുകയും ചെയ്യാറുള്ളതുപോലെ മറ്റു മതങ്ങളും നാം കുറെയൊക്കെ മനസിലാക്കാറുണ്ട് . ക്രിസ്തുമതം ഇസ്ലാം മതത്തെക്കാള്‍ നല്ലതാണോ എന്ന ചോദ്യം മലയാളം തമിഴിനേക്കാള്‍ നല്ലതാണോ എന്ന ചോദ്യം പോലെയാണ്. അങ്ങനെ ഒരു താരതമ്യം ആരോഗ്യകരമല്ല എന്നാണ് ഞ