Wednesday, January 29, 2014

കൌമാ ഗാനരൂപത്തില്‍

"അന്‍പുടയോനെ നിന്‍ വാതില്‍" എന്ന ഗാനത്തിന്റെ രീതിയില്‍ പാടാം

സ്തുതി പിതാവിനും പുത്ര-
നും പരിശുദ്ധാത്മാവിന്നും  
ആദിമുതല്‍ ഇന്നും എന്നേ-
യ്ക്കും അവ്വിധമായീടേണം 


തന്‍ സ്തുതിയാല്‍ ഭൂവാനങ്ങള്‍ 
തിങ്ങീടും ബലവാന്‍ ദൈവം 
തമ്പുരാന്‍ പരിശുദ്ധന്‍
പരിശുദ്ധന്‍ പരിശുദ്ധന്‍


ദൈവമാകും കര്‍ത്താവിന്‍ 
നാമത്തിങ്കല്‍ വന്നവനും
വരുവാനിരിപ്പവനും
വാഴ്ത്തപ്പെട്ടവനാകുന്നു


ദൈവമേ പരിശുദ്ധന്‍ നീ
ബലവാനേ പരിശുദ്ധന്‍ നീ
മൃതിരഹിതാ  പരിശുദ്ധന്‍ നീ
ക്രൂശേറ്റോനെ ചെയ് കരുണ


കാരുണ്യം ചെയ് കര്‍ത്താവേ
കാരുണ്യം ചെയ് കൃപയുണ്ടായ്  
കാരുണ്യം ചെയ് കൈക്കൊണ്ടി
പ്രാര്‍ഥനയും ശുശ്രൂഷകളും 


ദൈവമേ സ്തുതിയങ്ങേയ്ക്കു
സൃഷ്ടാവേ സ്തുതിയങ്ങേയ്ക്കു
പാപികളടിയാരില്‍ കൃപ ചെ-
യ്യും മശിഹാ സ്തുതിയങ്ങേയ്ക്കു 


സ്വര്‍ഗസ്ഥ പിതാവേ അങ്ങേ 
നാമം പാവനമാകേണം
ഞങ്ങള്‍ പാര്‍ക്കും ഭൂമിയിലും
അങ്ങേ രാജ്യം വന്നീടേണം


അങ്ങേയിഷ്ടം ആകേണം 
സ്വര്‍ഗത്തെപ്പോല്‍ ഭൂമിയിലും
ഞങ്ങള്‍ക്കാവശ്യമുള്ളതു പോല്‍
ആഹാരം അങ്ങേകണമേ


ഞങ്ങളോടു കടപ്പെട്ടി-
രിപ്പവരോടു ക്ഷമിപ്പതുപോല്‍
അങ്ങയോടു കടപ്പെട്ടോ-
രാം ഞങ്ങള്‍ക്കും ക്ഷമയരുള്‍ക 


ദുഷ്ടന്‍ സാത്താനില്‍ നിന്നും
ഞങ്ങളെ സംരക്ഷിക്കണമേ
ദുഷ്ടര്‍ക്കുള്ളോരന്ത്യ വിധി-
യില്‍ നിന്നും കാത്തീടണമേ 


രാജ്യം ശക്തി മഹത്വവും
അങ്ങയുടേതെന്നെന്നേയ്ക്കും
രാജ്യം ശക്തി മഹത്വവും
അങ്ങയുടേതെന്നെന്നേയ്ക്കും


ദൈവകൃപ പ്രാപിച്ച മറി-
യാമെ വന്ദനം അങ്ങേയ്ക്ക്
തമ്പുരാനങ്ങയോടൊപ്പം
നാരികളില്‍ വാഴ്ത്തപ്പെട്ടോള്‍


അങ്ങേയുദരത്തിന്‍ ഫലമാം
നമ്മുടെ കര്‍ത്താവാം യേശു
മശിഹായും വാഴ്ത്തപ്പെട്ടോന്‍
ദൈവമാതാ മറിയാമെ


പാപികളാം ഞങ്ങള്‍ക്കായി
ഇപ്പൊഴും എല്ലാ നേരത്തും
വാങ്ങിപ്പോകും നേരത്തും
കര്‍ത്താവോടപേക്ഷിക്ക  


(വായനക്കാരുടെ വിലയേറിയ അഭിപ്രായങ്ങള്‍ സ്വാഗതം ചെയ്യുന്നു. തെറ്റുകളുണ്ടെങ്കില്‍ ദയവായി ചൂണ്ടിക്കാണിക്കുക. എങ്ങനെ മെച്ചപ്പെടുത്താമെന്ന് അഭിപ്രായമുണ്ടെങ്കില്‍ ദയവായി പങ്കിടുക.)

2 comments:

sampariyarathu said...

ചില വരികള് ഒന്ന് കൂടി ക്രമപെടുതിയാല് ഉത്തമം ആയിരിക്കും ഉദാഹരണമായി** മൃതിഹീനാ പരിശുദ്ധന്‍ നീക്രൂശേറ്റോനെ ചെയ് കരു**പകരം "മൃതി രഹിതാ പരിശുദ്ധൻ നീ ,ക്രൂശേറ്റൊനെ കൃപ ചെയ്ക ""
** ഞങ്ങള്‍ക്കാവശ്യമുള്ളതു പോല്‍
ആഹാരം അങ്ങേകണമേ *** പകരം " അനുദിന മന്ന അടിയാര്ക്
തിരു കൃപയാൽ നല്കീടണമേ ""
ഇങ്ങനെ ഓരോ വരികളും ഒന്ന് ഭേദഗതി ദയവായി ചെയ്യുമോ !! ിങ്ങളുടെ പരിശ്രമത്തെ അഭിനന്ദിക്കുന്നു

John Kunnathu said...

സുഹൃത്തെ താങ്കള്‍ ചൂണ്ടിക്കാണിച്ച ഭേദഗതികള്‍ക്കായി വളരെ നന്ദി. ഞാന്‍ അവ രണ്ടും മാറ്റിയിട്ടുണ്ട്. ഇപ്പോള്‍ എങ്ങനെയുണ്ട് എന്നു നോക്കുക. എന്റെ പേര്‍ക്കു ഒരു ഇമെയില്‍ അയച്ചാല്‍ ഉപകാരം. johnkunnathu@yahoo.com