കൌമാ ഗാനരൂപത്തില്‍

-
"അന്‍പുടയോനെ നിന്‍ വാതില്‍" എന്ന ഗാനത്തിന്റെ രീതിയില്‍ പാടാം

സ്തുതി പിതാവിനും പുത്ര-
നും പരിശുദ്ധാത്മാവിന്നും  
ആദിമുതല്‍ ഇന്നും എന്നേ-
യ്ക്കും അവ്വിധമായീടേണം 

തന്‍ സ്തുതിയാല്‍ ഭൂവാനങ്ങള്‍ 
തിങ്ങീടും ബലവാന്‍ ദൈവം 
തമ്പുരാന്‍ പരിശുദ്ധന്‍
പരിശുദ്ധന്‍ പരിശുദ്ധന്‍

ദൈവമാകും കര്‍ത്താവിന്‍ 
നാമത്തിങ്കല്‍ വന്നവനും
വരുവാനിരിപ്പവനും
വാഴ്ത്തപ്പെട്ടവനാകുന്നു

ദൈവമേ പരിശുദ്ധന്‍ നീ
ബലവാനേ പരിശുദ്ധന്‍ നീ
മൃതിരഹിതാ  പരിശുദ്ധന്‍ നീ
ക്രൂശേറ്റോനെ ചെയ് കരുണ

കാരുണ്യം ചെയ് കര്‍ത്താവേ
കാരുണ്യം ചെയ് കൃപയുണ്ടായ്  
കാരുണ്യം ചെയ് കൈക്കൊണ്ടി
പ്രാര്‍ഥനയും ശുശ്രൂഷകളും 

ദൈവമേ സ്തുതിയങ്ങേയ്ക്കു
സൃഷ്ടാവേ സ്തുതിയങ്ങേയ്ക്കു
പാപികളടിയാരില്‍ കൃപ ചെ-
യ്യും മശിഹാ സ്തുതിയങ്ങേയ്ക്കു 

സ്വര്‍ഗസ്ഥ പിതാവേ അങ്ങേ 
നാമം പാവനമാകേണം
ഞങ്ങള്‍ പാര്‍ക്കും ഭൂമിയിലും
അങ്ങേ രാജ്യം വന്നീടേണം

അങ്ങേയിഷ്ടം ആകേണം 
സ്വര്‍ഗത്തെപ്പോല്‍ ഭൂമിയിലും
ഞങ്ങള്‍ക്കാവശ്യമുള്ളതു പോല്‍
ആഹാരം അങ്ങേകണമേ

ഞങ്ങളോടു കടപ്പെട്ടി-
രിപ്പവരോടു ക്ഷമിപ്പതുപോല്‍
അങ്ങയോടു കടപ്പെട്ടോ-
രാം ഞങ്ങള്‍ക്കും ക്ഷമയരുള്‍ക 

ദുഷ്ടന്‍ സാത്താനില്‍ നിന്നും
ഞങ്ങളെ സംരക്ഷിക്കണമേ
ദുഷ്ടര്‍ക്കുള്ളോരന്ത്യ വിധി-
യില്‍ നിന്നും കാത്തീടണമേ 

രാജ്യം ശക്തി മഹത്വവും
അങ്ങയുടേതെന്നെന്നേയ്ക്കും
രാജ്യം ശക്തി മഹത്വവും
അങ്ങയുടേതെന്നെന്നേയ്ക്കും

ദൈവകൃപ പ്രാപിച്ച മറി-
യാമെ വന്ദനം അങ്ങേയ്ക്ക്
തമ്പുരാനങ്ങയോടൊപ്പം
നാരികളില്‍ വാഴ്ത്തപ്പെട്ടോള്‍

അങ്ങേയുദരത്തിന്‍ ഫലമാം
നമ്മുടെ കര്‍ത്താവാം യേശു
മശിഹായും വാഴ്ത്തപ്പെട്ടോന്‍
ദൈവമാതാ മറിയാമെ

പാപികളാം ഞങ്ങള്‍ക്കായി
ഇപ്പൊഴും എല്ലാ നേരത്തും
വാങ്ങിപ്പോകും നേരത്തും
കര്‍ത്താവോടപേക്ഷിക്ക  

(വായനക്കാരുടെ വിലയേറിയ അഭിപ്രായങ്ങള്‍ സ്വാഗതം ചെയ്യുന്നു. തെറ്റുകളുണ്ടെങ്കില്‍ ദയവായി ചൂണ്ടിക്കാണിക്കുക. എങ്ങനെ മെച്ചപ്പെടുത്താമെന്ന് അഭിപ്രായമുണ്ടെങ്കില്‍ ദയവായി പങ്കിടുക.)

Comments

sampariyarathu said…
ചില വരികള് ഒന്ന് കൂടി ക്രമപെടുതിയാല് ഉത്തമം ആയിരിക്കും ഉദാഹരണമായി** മൃതിഹീനാ പരിശുദ്ധന്‍ നീക്രൂശേറ്റോനെ ചെയ് കരു**പകരം "മൃതി രഹിതാ പരിശുദ്ധൻ നീ ,ക്രൂശേറ്റൊനെ കൃപ ചെയ്ക ""
** ഞങ്ങള്‍ക്കാവശ്യമുള്ളതു പോല്‍
ആഹാരം അങ്ങേകണമേ *** പകരം " അനുദിന മന്ന അടിയാര്ക്
തിരു കൃപയാൽ നല്കീടണമേ ""
ഇങ്ങനെ ഓരോ വരികളും ഒന്ന് ഭേദഗതി ദയവായി ചെയ്യുമോ !! ിങ്ങളുടെ പരിശ്രമത്തെ അഭിനന്ദിക്കുന്നു
February 1, 2014 at 7:10 AM
John Kunnathu said…
സുഹൃത്തെ താങ്കള്‍ ചൂണ്ടിക്കാണിച്ച ഭേദഗതികള്‍ക്കായി വളരെ നന്ദി. ഞാന്‍ അവ രണ്ടും മാറ്റിയിട്ടുണ്ട്. ഇപ്പോള്‍ എങ്ങനെയുണ്ട് എന്നു നോക്കുക. എന്റെ പേര്‍ക്കു ഒരു ഇമെയില്‍ അയച്ചാല്‍ ഉപകാരം. johnkunnathu@yahoo.com
February 2, 2014 at 9:37 PM
Post a Comment

Popular posts from this blog

ഓണത്തെപ്പറ്റി എന്റെ സന്തോഷവും വിഷമവും

-
Image
കോട്ടയം Y's Men ന്റെ 2023 ലെ ഓണാഘോഷത്തിൽ  നൽകിയ ഓണസന്ദേശം   ഓണാഘോഷത്തെപ്പറ്റി എന്റെ മനസ്സിൽ വലിയൊരു സന്തോഷം ഉണ്ട്, അതോടൊപ്പം വലിയൊരു വിഷമവും ഉണ്ട്. വർഷത്തിലുടനീളം ധാരാളം ആഘോഷങ്ങൾ ഉണ്ടെങ്കിലും നമുക്കെല്ലാം ഏറ്റവും ഇഷ്ടമുള്ള ആഘോഷം ഓണം തന്നെയാണ്. ഈ നാട്ടിലുള്ള എല്ലാവരും ഈ ആഘോഷത്തിൽ പങ്കെടുക്കുന്നു എന്നതാണ് അതിന്റെ പ്രധാന കാരണം. ചിലർ ആഘോഷിക്കുകയും മറ്റു ചിലർ ആഘോഷിക്കാതിരിക്കുകയും ചെയ്യുമ്പോൾ നമ്മുടെ സന്തോഷം അപൂർണ്ണമാണ്. എല്ലാവരും ഒത്തൊരുമയോടെ ആഘോഷിക്കുകയും അതിന്റെ സന്തോഷത്തിൽ പങ്കു കൊള്ളുകയും ചെയ്യുമ്പോഴാണ് നമുക്ക് അത് ഏറ്റവും ആസ്വാദ്യകരമാകുന്നത്. നമ്മുടെ നാട്ടിലെ വിവിധ ജനവിഭാഗങ്ങൾക്ക് ഒത്തൊരുമയോടെ വർഷം മുഴുവൻ ജീവിക്കാൻ കഴിയുന്നത് ഒരുപക്ഷേ ഇങ്ങനെ ഒരാഘോഷം ഉള്ളതുകൊണ്ട് ആയിരിക്കും. നമ്മുടെ സമൂഹത്തെ ആരോഗ്യത്തോടെ നിലനിർത്തുക എന്ന ഒരു ഫംഗ്ഷൻ ഈ ആഘോഷം നിർവഹിക്കുന്നുണ്ട്. ഇതാണ് നമ്മുടെ ഓണാഘോഷത്തെപ്പറ്റി എനിക്കുള്ള വലിയ സന്തോഷം. ഇനി അതിനെപ്പറ്റിയുള്ള എന്റെ വിഷമം പറയാം. ഇതുപോലെ എല്ലാവരും ഒന്നിച്ച് അമോദത്തോടെ ആഘോഷിക്കുന്ന ഒന്നായി ഓണം ഭാവിയിലും നിലനിൽക്കുമോ എന്ന കാര്യത്തിൽ എന്റെ ഉള്ളിൽ ഒരു ഭയമുണ്
Read more

അറിവിന്റെ മഹാരഹസ്യങ്ങൾ

-
Image
ഒരു കുട്ടി പൂമ്പാറ്റയെ കണ്ട് അതിശയിക്കുന്ന ഒരു ചെറുകഥയിലൂടെ അറിവിന്റെ മഹാരഹസ്യങ്ങള്‍ കുമാരനാശാൻ അനാവരണം ചെയ്യുന്നു. ഒരമ്മയും കുട്ടിയും തമ്മിലുള്ള സംഭാഷണത്തിന്റെ രൂപത്തില്‍. കുട്ടി : ഈ വല്ലിയിൽ നിന്നു ചെമ്മേ പൂക്കൾ പോവുന്നിതാ പറന്നമ്മേ! അമ്മ: തെറ്റീ നിനക്കുണ്ണി ചൊല്ലാം നൽപ്പൂമ്പാറ്റകളല്ലേയിതെല്ലാം. കുട്ടി: മേൽക്കുമേലിങ്ങിവ പൊങ്ങീ വിണ്ണിൽ നോക്കമ്മേയെന്തൊരു ഭംഗി! അയ്യോ പോയ്ക്കൂടിക്കളിപ്പാൻ അമ്മേ വയ്യേയെനിക്കു പറപ്പാൻ! അമ്മ: ആകാത്തതിങ്ങനെ എണ്ണീ ചുമ്മാ മാഴ്കൊല്ലായെന്നോമലുണ്ണീ! പിച്ചനടന്നു കളിപ്പൂ നീയിപ്പിച്ചകമുണ്ടോ നടപ്പൂ? കുട്ടി: അമ്മട്ടിലായതെന്തെന്നാൽ ഞാനൊരുമ്മതരാമമ്മ ചൊന്നാൽ. അമ്മ: നാമിങ്ങറിയുവതല്പം എല്ലാമോമനേ ദേവസങ്കല്പം! 1. കുട്ടിയുടെ കണ്ണിലൂടെ ഒരു പുതിയ അറിവ് മനസ്സിനുള്ളിലേയ്ക്ക് കടക്കുന്നു.  ഇന്ദ്രിയങ്ങൾ എന്ന വാതിലുകളിലൂടെയാണ് അറിവുകൾ മനസിനുള്ളിൽ കടക്കുന്നത്.  "ഈ വല്ലിയിൽ നിന്നു ചെമ്മേ പൂക്കൾ പോവുന്നിതാ പറന്നമ്മേ!" 2. പുതിയ അറിവ് പ്രവേശിച്ചാലുടന്‍ നിലവിലുള്ള അറിവുകളുമായി ഒരു ഒത്തു നോക്കല്‍ നടക്കുന്നു. കുട്ടിക്ക് പൂക്കളെക്കുറിച്ച് അറിവുണ്ട്. എന്നാൽ പൂക്കൾ പറക്കും എന്നത് പുതി
Read more

യേശു അറിയിച്ച നല്ല വാര്‍ത്ത -- അന്നും ഇന്നും

-
Image
കഴിഞ്ഞ 2000 വർഷങ്ങളായി ലോകമെങ്ങും യേശുവിനെ മനസിലാക്കാനുള്ള ശ്രമങ്ങൾ നടന്നുകൊണ്ടിരിക്കുന്നു . ആ ശ്രമങ്ങളില്‍ ഇവിടെ നാമും പങ്കാളികളാകുന്നു . ഇക്കാലമെല്ലാം യേശുവിനെക്കുറിച്ച് ഉണ്ടായിട്ടുള്ള വിശ്വാസങ്ങളെയെല്ലാം അവഗണിച്ചുകൊണ്ട് , യേശു ജീവിച്ചിരുന്ന സ്ഥലത്തേക്ക് , കാലത്തേക്ക് പോയി , യേശുവിനെ അടുത്ത് കാണാനുള്ള ഒരു ശ്രമമാണ് നാം ഇവിടെ നടത്തുന്നത് . യേശു നാട്ടി ലെ ങ്ങും അറിയി ച്ച നല്ല വാര്‍ത്ത മനസ്സിലാക്കാനാണ് നമ്മുടെ ആദ്യത്തെ ശ്രമം . യേശു ജനത്തെ അറിയിച്ച നല്ല വാർത്ത എന്തായിരുന്നു എന്നുള്ളത് മിക്ക ക്രിസ്ത്യാനികളും ഒരിക്കലും ചോദിക്കാത്ത ഒരു ചോദ്യമാണ് . യേശുവിനെപ്പറ്റി നല്ല അറിവുണ്ട് എന്ന് കരുതപ്പെടുന്ന ആളുകളോട് ഈ ചോദ്യം ചോദിച്ചു നോക്കൂ . അവർ ഇതിനെപ്പറ്റി അജ്ഞരാണ് എന്ന് കാണാം . ക്രിസ്തീയ സുവിശേഷം എന്ന പേരില്‍ കഴിഞ്ഞ 2000 വര്‍ഷങ്ങളായി പലതും ലോകത്തില്‍ പരക്കുന്നുണ്ട് . എന്നാല്‍ അതൊന്നും യേശു തന്റെനാട്ടിലെ ജനത്തെ അറിയിച്ച നല്ല വാര്‍ത്തയല്ല എന്ന് കാണാം . വേദപുസ്തകത്തിന്റെ താളുകളിൽ അതിന്റെ ഉത്തരം അന്വേഷിക്കുമ്പോൾ ഒറ്റ വാചകത്തിലുള്ള ഉത്തരം നാം കണ്ടെത്തുന്നു -- ദൈവ രാജ്യം സമീപിച്ചിരിക്കുകയാൽ മനസാന
Read more