അഖിലം ഞാനാരാഞ്ഞിട്ടും

-

അഖിലം ഞാനാരാഞ്ഞിട്ടും
ദര്‍ശിച്ചിട്ടില്ലേതും ഞാന്‍
ദൈവഭക്തിയെക്കാള്‍ മികച്ചതായ്!    
ഭക്തിയാല്‍ യോസേഫ് മിസ്രെമില്‍ ഉന്നതനായി!
അതിനാലാഴിയെ വിഭജിച്ചാന്‍ മോശ ചെറുവടിയാല്‍!
ഹാനന്യാവും സ്നേഹിതരും
അതിനാലെരിതീയേ വെന്നു!  
തങ്കത്തെക്കാളും കാമ്യം;
തേനെക്കാളും മാധുര്യം!
ഭക്തരായെന്നും ജീവിപ്പോര്‍ ധന്യര്‍!

കടലോരം വഴി പോകുമ്പോള്‍
അന്യോന്യം ഹിംസിക്കും മല്‍-
സ്യങ്ങളെ ദര്‍ശിച്ചങ്ങാശ്ചര്യം പൂണ്ടേന്‍
ഈ ദൃശ്യം കാണ്‍കെ വന്നൊരു ചിന്ത എന്‍ മനസില്‍
ഇതുപോല്‍ തമ്മില്‍ വിഴുങ്ങും മര്‍ത്യരുമുണ്ടീ ഭൂവില്‍
ന്യായവിധിക്കെത്തീടാത്ത
മല്‍സ്യങ്ങള്‍ക്കുണ്ടോ കൂറ്റം
വിധി കണ്മുമ്പില്‍ കണ്ടാലും
തമ്മില്‍ വിഴുങ്ങും മാനുഷര്‍
കുറ്റങ്ങള്‍ ക്ഷമി-ക്കും നാഥന്‍ ധന്യന്‍

 
നിലവിലുള്ള ഗാനത്തില്‍ ദൈവഭയം, ദൈവസ്നേഹം, ദൈവാരാധന എന്നീ മൂന്നു വ്യത്യസ്ഥ പ്രയോഗങ്ങള്‍ ഉപയോഗിച്ചിരിക്കുന്നതിന് പകരം ഇവിടെ ദൈവഭക്തി എന്ന പൊതുവായ പ്രയോഗം ഉപയോഗിച്ചിരിക്കുന്നു. എന്തിനെക്കുറിച്ചാണ് ഈ ഗാനം എന്നു ചോദിച്ചാല്‍ ദൈവഭക്തിക്കുറിച്ചാണ് എന്നു ധൈര്യമായി പറയാം. മധുവിലുമതുമധുരം എന്നതിനു പകരം തേനെക്കാളും മാധുര്യം എന്ന ലളിതമായ പ്രയോഗം ഉപയോഗിച്ചിരിക്കുന്നു. ഹനനിയാദ്യന്‍മാര്‍ എന്നതിന് പകരം ഹാനന്യാവും സ്നേഹിതരും എന്നു പറഞ്ഞിരിക്കുന്നു.

രണ്ടാം ഭാഗത്തില്‍ അന്യോന്യം വെട്ടിത്തിന്നും മല്‍സ്യത്തെ എന്നതിന് പകരം അന്യോന്യം ഹിംസിക്കും മല്‍സ്യങ്ങളെ എന്നു മാറ്റിയിരിക്കുന്നു. കണ്മുമ്പില്‍ വിധി കണ്ടാലും പരനെ വിഴുങ്ങും മര്‍ത്യന്മാര്‍ എന്നതിന് പകരം വിധി കണ്മുമ്പില്‍ കണ്ടാലും തമ്മില്‍ വിഴുങ്ങും മാനുഷര്‍ എന്നു അര്ത്ഥം വ്യക്തമാകത്തക്കവണം മാറ്റിയിരിക്കുന്നു.

Comments

Anonymous said…
The Malayalam-words ANUGRAHAM and Grahappiza are coined on the basis of the pagan belief that the nava grahangal such as Sun Moon etc decide the destiny of mankind. When we pray ANUGRAHIKKUKA were are requesting God to favourably position the navagrahangal In Pampakkuda Namaskaram the word and its derivatives are not used.
As regards our Prayer songs I am very much annoyed to hear "Attahasikkunniruchirakum Ha..Ha.. Kottiyavar ninnittevam Why not change it as Iruchirakaale parannumkontu Ha Ha Attahasikkunnavarevam (or better ghoshichcheetnnavam) Again I have to submit that in Anputayone and Sraffikale kantesaayaa in Syriac there are no Haleluyah or Kurielaysone. In Malayalam we add these two expressions make it impossible for a person to meditate on the texts of these two prayer songs vtjohn100@yahoo.co.in
December 13, 2014 at 11:50 AM
V T John said…
Theninekkalum maadhuryam may not be approved by grammarians Madhuravum or Maadhuryamullathum seems to be correct.

vtjohn100@yahoo.co.in
December 13, 2014 at 1:40 PM
Post a Comment

Popular posts from this blog

ഓണത്തെപ്പറ്റി എന്റെ സന്തോഷവും വിഷമവും

-
Image
കോട്ടയം Y's Men ന്റെ 2023 ലെ ഓണാഘോഷത്തിൽ  നൽകിയ ഓണസന്ദേശം   ഓണാഘോഷത്തെപ്പറ്റി എന്റെ മനസ്സിൽ വലിയൊരു സന്തോഷം ഉണ്ട്, അതോടൊപ്പം വലിയൊരു വിഷമവും ഉണ്ട്. വർഷത്തിലുടനീളം ധാരാളം ആഘോഷങ്ങൾ ഉണ്ടെങ്കിലും നമുക്കെല്ലാം ഏറ്റവും ഇഷ്ടമുള്ള ആഘോഷം ഓണം തന്നെയാണ്. ഈ നാട്ടിലുള്ള എല്ലാവരും ഈ ആഘോഷത്തിൽ പങ്കെടുക്കുന്നു എന്നതാണ് അതിന്റെ പ്രധാന കാരണം. ചിലർ ആഘോഷിക്കുകയും മറ്റു ചിലർ ആഘോഷിക്കാതിരിക്കുകയും ചെയ്യുമ്പോൾ നമ്മുടെ സന്തോഷം അപൂർണ്ണമാണ്. എല്ലാവരും ഒത്തൊരുമയോടെ ആഘോഷിക്കുകയും അതിന്റെ സന്തോഷത്തിൽ പങ്കു കൊള്ളുകയും ചെയ്യുമ്പോഴാണ് നമുക്ക് അത് ഏറ്റവും ആസ്വാദ്യകരമാകുന്നത്. നമ്മുടെ നാട്ടിലെ വിവിധ ജനവിഭാഗങ്ങൾക്ക് ഒത്തൊരുമയോടെ വർഷം മുഴുവൻ ജീവിക്കാൻ കഴിയുന്നത് ഒരുപക്ഷേ ഇങ്ങനെ ഒരാഘോഷം ഉള്ളതുകൊണ്ട് ആയിരിക്കും. നമ്മുടെ സമൂഹത്തെ ആരോഗ്യത്തോടെ നിലനിർത്തുക എന്ന ഒരു ഫംഗ്ഷൻ ഈ ആഘോഷം നിർവഹിക്കുന്നുണ്ട്. ഇതാണ് നമ്മുടെ ഓണാഘോഷത്തെപ്പറ്റി എനിക്കുള്ള വലിയ സന്തോഷം. ഇനി അതിനെപ്പറ്റിയുള്ള എന്റെ വിഷമം പറയാം. ഇതുപോലെ എല്ലാവരും ഒന്നിച്ച് അമോദത്തോടെ ആഘോഷിക്കുന്ന ഒന്നായി ഓണം ഭാവിയിലും നിലനിൽക്കുമോ എന്ന കാര്യത്തിൽ എന്റെ ഉള്ളിൽ ഒരു ഭയമുണ്
Read more

അറിവിന്റെ മഹാരഹസ്യങ്ങൾ

-
Image
ഒരു കുട്ടി പൂമ്പാറ്റയെ കണ്ട് അതിശയിക്കുന്ന ഒരു ചെറുകഥയിലൂടെ അറിവിന്റെ മഹാരഹസ്യങ്ങള്‍ കുമാരനാശാൻ അനാവരണം ചെയ്യുന്നു. ഒരമ്മയും കുട്ടിയും തമ്മിലുള്ള സംഭാഷണത്തിന്റെ രൂപത്തില്‍. കുട്ടി : ഈ വല്ലിയിൽ നിന്നു ചെമ്മേ പൂക്കൾ പോവുന്നിതാ പറന്നമ്മേ! അമ്മ: തെറ്റീ നിനക്കുണ്ണി ചൊല്ലാം നൽപ്പൂമ്പാറ്റകളല്ലേയിതെല്ലാം. കുട്ടി: മേൽക്കുമേലിങ്ങിവ പൊങ്ങീ വിണ്ണിൽ നോക്കമ്മേയെന്തൊരു ഭംഗി! അയ്യോ പോയ്ക്കൂടിക്കളിപ്പാൻ അമ്മേ വയ്യേയെനിക്കു പറപ്പാൻ! അമ്മ: ആകാത്തതിങ്ങനെ എണ്ണീ ചുമ്മാ മാഴ്കൊല്ലായെന്നോമലുണ്ണീ! പിച്ചനടന്നു കളിപ്പൂ നീയിപ്പിച്ചകമുണ്ടോ നടപ്പൂ? കുട്ടി: അമ്മട്ടിലായതെന്തെന്നാൽ ഞാനൊരുമ്മതരാമമ്മ ചൊന്നാൽ. അമ്മ: നാമിങ്ങറിയുവതല്പം എല്ലാമോമനേ ദേവസങ്കല്പം! 1. കുട്ടിയുടെ കണ്ണിലൂടെ ഒരു പുതിയ അറിവ് മനസ്സിനുള്ളിലേയ്ക്ക് കടക്കുന്നു.  ഇന്ദ്രിയങ്ങൾ എന്ന വാതിലുകളിലൂടെയാണ് അറിവുകൾ മനസിനുള്ളിൽ കടക്കുന്നത്.  "ഈ വല്ലിയിൽ നിന്നു ചെമ്മേ പൂക്കൾ പോവുന്നിതാ പറന്നമ്മേ!" 2. പുതിയ അറിവ് പ്രവേശിച്ചാലുടന്‍ നിലവിലുള്ള അറിവുകളുമായി ഒരു ഒത്തു നോക്കല്‍ നടക്കുന്നു. കുട്ടിക്ക് പൂക്കളെക്കുറിച്ച് അറിവുണ്ട്. എന്നാൽ പൂക്കൾ പറക്കും എന്നത് പുതി
Read more

യേശു അറിയിച്ച നല്ല വാര്‍ത്ത -- അന്നും ഇന്നും

-
Image
കഴിഞ്ഞ 2000 വർഷങ്ങളായി ലോകമെങ്ങും യേശുവിനെ മനസിലാക്കാനുള്ള ശ്രമങ്ങൾ നടന്നുകൊണ്ടിരിക്കുന്നു . ആ ശ്രമങ്ങളില്‍ ഇവിടെ നാമും പങ്കാളികളാകുന്നു . ഇക്കാലമെല്ലാം യേശുവിനെക്കുറിച്ച് ഉണ്ടായിട്ടുള്ള വിശ്വാസങ്ങളെയെല്ലാം അവഗണിച്ചുകൊണ്ട് , യേശു ജീവിച്ചിരുന്ന സ്ഥലത്തേക്ക് , കാലത്തേക്ക് പോയി , യേശുവിനെ അടുത്ത് കാണാനുള്ള ഒരു ശ്രമമാണ് നാം ഇവിടെ നടത്തുന്നത് . യേശു നാട്ടി ലെ ങ്ങും അറിയി ച്ച നല്ല വാര്‍ത്ത മനസ്സിലാക്കാനാണ് നമ്മുടെ ആദ്യത്തെ ശ്രമം . യേശു ജനത്തെ അറിയിച്ച നല്ല വാർത്ത എന്തായിരുന്നു എന്നുള്ളത് മിക്ക ക്രിസ്ത്യാനികളും ഒരിക്കലും ചോദിക്കാത്ത ഒരു ചോദ്യമാണ് . യേശുവിനെപ്പറ്റി നല്ല അറിവുണ്ട് എന്ന് കരുതപ്പെടുന്ന ആളുകളോട് ഈ ചോദ്യം ചോദിച്ചു നോക്കൂ . അവർ ഇതിനെപ്പറ്റി അജ്ഞരാണ് എന്ന് കാണാം . ക്രിസ്തീയ സുവിശേഷം എന്ന പേരില്‍ കഴിഞ്ഞ 2000 വര്‍ഷങ്ങളായി പലതും ലോകത്തില്‍ പരക്കുന്നുണ്ട് . എന്നാല്‍ അതൊന്നും യേശു തന്റെനാട്ടിലെ ജനത്തെ അറിയിച്ച നല്ല വാര്‍ത്തയല്ല എന്ന് കാണാം . വേദപുസ്തകത്തിന്റെ താളുകളിൽ അതിന്റെ ഉത്തരം അന്വേഷിക്കുമ്പോൾ ഒറ്റ വാചകത്തിലുള്ള ഉത്തരം നാം കണ്ടെത്തുന്നു -- ദൈവ രാജ്യം സമീപിച്ചിരിക്കുകയാൽ മനസാന
Read more