മരുഭൂമിയിലെ ശബ്ദം

താതസുതപരിശുദ്ധാത്മാവാകും സര്‍-  വേശനെ വാഴ്ത്തിപ്പാടാം നമുക്ക്  ആദിമുതലെന്നുമെന്നേയ്ക്കുമീശന്‍റെ  നാമം സ്തുതികള്‍ക്ക് യോഗ്യമത്രേ  ശുദ്ധന്‍ പരിശുദ്ധന്‍ ശുദ്ധന്‍ പരിശുദ്ധന്‍  സര്‍വ്വശക്തനാകും സര്‍വേശ്വരന്‍  വാനവും ഭൂമിയും തന്‍ പുകഴ്ചകളാ-  ലേറ്റം മുഖരിതമായിരിപ്പൂ  തമ്പുരനായിടുമീശന്റെ നാമത്തില്‍  നമ്മെയെല്ലാം തേടി വന്നവനും  വീണ്ടും വരുവാനിരിപ്പവനുമായ  ക്രിസ്തുവെ വാഴ്ത്തിടാം മോദമോടെ     തെറ്റുകളേതും വരുത്താതിരിക്കും പ- രിശുദ്ധനീശ്വരാ അങ്ങ് മാത്രം  എല്ലാ കഴിവുകളും തികഞ്ഞുള്ളൊരു   സര്‍വ്വശക്തന്‍ നാഥാ അങ്ങ് മാത്രം   ജീവന്നുറവിടമായ സര്‍വേശ്വരാ  മൃത്യുവില്ലാത്തതങ്ങേയ്ക്ക് മാത്രം  ക്രൂശാര്‍ക്കുമേകാതത്  സ്വയമേറ്റിടും സ്നേഹസ്വരൂപനുമങ്ങ് മാത്രം   തെറ്റുകുറ്റങ്ങള്‍ വരുത്തുന്നവര്‍ ഞങ്ങള്‍  എന്ന് തുറന്നിതാ സമ്മതിപ്പൂ  ഈ കുറ്റസമ്മതം കാരുണ്യപൂര്‍വ്വം കൈ- ക്കൊണ്ട് നാഥാ ക്ഷമയേകിടുക  വാഴ്ത്തിപ്പുകഴ്ത്താം നമുക്ക് സര്‍വ്വേശനെ  വാഴ്ത്താമി ലോകത്തിന്‍ സ്രഷ്ടാവിനെ  വാഴ്ത്ത...

പരിചയമുള്ള ഒരാളെ കാണുമ്പോള്‍ അഭിവാദ്യം ചെയ്യുന്നത് സാധാരണ മര്യാദയാണ്. നമസ്തേ, നമസ്കാരം, സലാം, hello, Good Morning എന്നൊക്കെ നമ്മുടെ അനുദിന ജീവിതത്തില്‍ നാം സാധാരണ പറയാറുണ്ട്. ബന്ധങ്ങള്‍ വിഘടിതമായിപ്പോകാതെ അരക്കിട്ടുറപ്പിക്കുന്നതിനുള്ള ഒരു മാര്‍ഗമാണ് ഇത്. നമ്മള്‍ സുഹൃദ്ബന്ധത്തിലാണ്, ഞാന്‍ നിങ്ങളുടെ നന്മ ആഗ്രഹിക്കുന്നു എന്നൊക്കെയുള്ള അര്‍ഥങ്ങള്‍ അഭിവാദ്യത്തിനുണ്ട്.   എബ്രായഭാഷയില്‍ ശാലോം എന്നായിരുന്നു ആളുകള്‍ പരസ്പരം അഭിവാദ്യം ചെയ്തിരുന്നത്. സമാധാനം എന്നാണ് സാധാരണ ഈ പദത്തെ തര്‍ജമ ചെയ്യാറുള്ളത്. എന്നാല്‍ സുഖവും, സന്തോഷവും, ആരോഗ്യവും, സുരക്ഷിതത്വവും, സമാധാനവും എല്ലാം ഈ പദത്തില്‍ ഉണ്ട് എന്നു എബ്രായ ഭാഷ അറിയാവുന്നവര്‍ പറയുന്നു. നിങ്ങള്ക്ക് സര്‍വ ഐശ്വര്യങ്ങളും, സുഖവും, സന്തോഷവും, ആരോഗ്യവും, സമാധാനവും ഉണ്ടാകട്ടെ എന്ന ആശംസയാണ് ശാലോം. അറബിക് ഭാഷയില്‍ ഇത് സലാം ആയി. സുറിയാനിയില്‍ ഇത് ശ്ലോമോ ആയി.   ശാലോം പറഞ്ഞു അഭിവാദ്യം ചെയ്യുന്ന സന്ദര്‍ഭങ്ങള്‍ വേദപുസ്തകത്തിലുണ്ട്. ദൈവദൂതന്‍ മറിയാമിനെ കാണുമ്പോള്‍ (ലൂക്കോസ് 1:28), ശാലോം പറയുന്നുണ്ട്. ഉയിര്‍ത്തെഴുന്നേറ്റ കര്‍ത്താവ് ശിഷ്യന്മാരെ കാണ...

മലങ്കരസഭാ മാസികയുടെ ജനുവരി ലക്കത്തില്‍ പ്രസിദ്ധീകരിച്ച ലേഖനം.  

സക്കറിയ എന്ന പ്രശസ്ത എഴുത്തുകാരന്‍ രചിച്ചു 1997 ല്‍ DC Books പ്രകാശനം ചെയ്ത ഒരു ചെറു നോവലാണ് ഇത്.  യേശുവിനെ വധശിക്ഷക്ക് വിധിക്കാനുണ്ടായ സാഹചര്യം ന്യായാധിപനായിരുന്ന പീലാത്തൊസിന്‍റെ കാഴ്ചപ്പാടിലൂടെ കാണുകയാണ് ഇതില്‍. തന്റെ ഒരു സുഹൃത്തുമായി പീലാത്തൊസ് നടത്തുന്ന കത്തിടപാടുകളുടെ രൂപത്തിലാണ് കഥ പറഞ്ഞിരിക്കുന്നത്. ബാല്യകാല സുഹൃത്തായ ആന്‍റോണിയോസില്‍ നിന്നും പീലാത്തൊസിന് ഒരു കത്തു ലഭിക്കുന്നു. യേശുവിന്റെ കുരിശുമരണം നടന്ന ആഴ്ചയിലായിരുന്നു അത്. അതിന്റെ മറുപടിക്കത്തില്‍ പീലാത്തൊസ് തന്റെ ഉള്ളം തുറക്കുന്നു. യേശുവിനെ തൂക്കാന്‍ വിധിക്കാന്‍ താന്‍ നിര്‍ബന്ധിതനായ സാഹചര്യം സവിസ്തരം പ്രതിപാദിക്കുന്നു. റോമിലും താന്‍ ഗവര്‍ണറായിരുന്ന യഹൂദ പ്രവിശ്യയിലും നിലവിലിരുന്ന രാഷ്ട്രീയ സാംസ്കാരിക പശ്ചാത്തലം വിവരിച്ചിരിക്കുന്നു. അതോടൊപ്പം തന്റെ ജീവിതവീക്ഷണവും വ്യക്തമാക്കിയിരിക്കുന്നു. ഇടയ്ക്കു ഒരു അദ്ധ്യായത്തില്‍ പീലാത്തൊസിന്‍റെ സ്റ്റെനോഗ്രാഫറായ റൂത്തിന്റെ കണ്ണുകളിലൂടെ പീലാത്തൊസിന്‍റെ വ്യക്തിത്വത്തിന്റെ ഒരു വീക്ഷണം വായനക്കാരന് ലഭിക്കുന്നു. രൂത്തും, പീലാത്തൊസിന്‍റെ ഭാര്യ ജൂലിയയും, മഗ്നലന മറിയയും ഉള്‍പ്പെട്ട ഒരു...