കര്‍ത്തൃപ്രാര്‍ഥനയ്ക്ക് ഒരു പുനരാഖ്യാനം

-

സ്വര്‍ഗ്ഗത്തില്‍ വാണിടും താതാ തവ നാമം 
പാവനമെന്ന് വാഴ്ത്തപ്പെടട്ടെ 
അങ്ങല്ലാതില്ല പരിശുദ്ധനായാരും 
എന്നേവരുമറിയേണം നന്നായ്  

നാഥാ അവിടുന്ന് സ്വര്‍ഗ്ഗത്തെ വാഴും പോല്‍ 
വാഴണേ ഭൂമിയെയും ദയവായ് 
താവകയിഷ്ടം സ്വര്‍ലോകെ ഭവിക്കുംപോ-
ലീ ഭൂവിലും ഭവിച്ചീടണമേ 

അങ്ങേയ്ക്കൊപ്പം മക്കള്‍ ഞങ്ങള്‍ വളരുവാ-
നേക തിരിച്ചറിവെന്ന ഭോജ്യം 
താവകയിഷ്ടം പോല്‍ ജീവിപ്പതിന്നായി 
അഭ്യസിപ്പിക്കടിയാരെയെന്നും  

ഞങ്ങള്‍ക്കെതിരായി ദോഷങ്ങള്‍ ചെയ്തിടു- 
മേവരോടും ക്ഷമിക്കുന്നു ഞങ്ങള്‍ 
ഞങ്ങള്‍ ദിനവും വരുത്തുമബദ്ധങ്ങള്‍- 
ക്കായ് ക്ഷമ യാചിച്ചിടുന്നു ഞങ്ങള്‍ 

ആരെയും ന്യായം വിധിക്കാതെ ഞങ്ങളെ 
നാഥാ തടയേണമേ ദയവായ് 
സാത്താന്‍റെ പാതയില്‍ പോയിടാതെങ്ങളെ 
സംരക്ഷിക്കേണമനവരതം  

ലോകത്തിന്‍ രാജാവവിടുന്ന് മാത്രമാ -   
ണെന്തും കഴിയുന്നോനങ്ങ് മാത്രം  
അങ്ങ് മാത്രം വീഴ്ചകള്‍ വരുത്താത്തവന്‍  
ആകയാലങ്ങ് മഹത്വയോഗ്യന്‍   


Comments

Post a Comment

Popular posts from this blog

അറിവിന്റെ മഹാരഹസ്യങ്ങൾ

-
Image
ഒരു കുട്ടി പൂമ്പാറ്റയെ കണ്ട് അതിശയിക്കുന്ന ഒരു ചെറുകഥയിലൂടെ അറിവിന്റെ മഹാരഹസ്യങ്ങള്‍ കുമാരനാശാൻ അനാവരണം ചെയ്യുന്നു. ഒരമ്മയും കുട്ടിയും തമ്മിലുള്ള സംഭാഷണത്തിന്റെ രൂപത്തില്‍. കുട്ടി : ഈ വല്ലിയിൽ നിന്നു ചെമ്മേ പൂക്കൾ പോവുന്നിതാ പറന്നമ്മേ! അമ്മ: തെറ്റീ നിനക്കുണ്ണി ചൊല്ലാം നൽപ്പൂമ്പാറ്റകളല്ലേയിതെല്ലാം. കുട്ടി: മേൽക്കുമേലിങ്ങിവ പൊങ്ങീ വിണ്ണിൽ നോക്കമ്മേയെന്തൊരു ഭംഗി! അയ്യോ പോയ്ക്കൂടിക്കളിപ്പാൻ അമ്മേ വയ്യേയെനിക്കു പറപ്പാൻ! അമ്മ: ആകാത്തതിങ്ങനെ എണ്ണീ ചുമ്മാ മാഴ്കൊല്ലായെന്നോമലുണ്ണീ! പിച്ചനടന്നു കളിപ്പൂ നീയിപ്പിച്ചകമുണ്ടോ നടപ്പൂ? കുട്ടി: അമ്മട്ടിലായതെന്തെന്നാൽ ഞാനൊരുമ്മതരാമമ്മ ചൊന്നാൽ. അമ്മ: നാമിങ്ങറിയുവതല്പം എല്ലാമോമനേ ദേവസങ്കല്പം! 1. കുട്ടിയുടെ കണ്ണിലൂടെ ഒരു പുതിയ അറിവ് മനസ്സിനുള്ളിലേയ്ക്ക് കടക്കുന്നു.  ഇന്ദ്രിയങ്ങൾ എന്ന വാതിലുകളിലൂടെയാണ് അറിവുകൾ മനസിനുള്ളിൽ കടക്കുന്നത്.  "ഈ വല്ലിയിൽ നിന്നു ചെമ്മേ പൂക്കൾ പോവുന്നിതാ പറന്നമ്മേ!" 2. പുതിയ അറിവ് പ്രവേശിച്ചാലുടന്‍ നിലവിലുള്ള അറിവുകളുമായി ഒരു ഒത്തു നോക്കല്‍ നടക്കുന്നു. കുട്ടിക്ക് പൂക്കളെക്കുറിച്ച് അറിവുണ്ട്. എന്നാൽ പൂക്കൾ പറക്കും എന്നത് പുതി...
Read more

അറിവിനെ അറിയാം

-
അറിവിനെക്കുറിച്ചുള്ള അറിവ് , അതാണ്‌ നമ്മുടെ ചിന്താവിഷയം . ജീവശാസ്ത്രം , സാമ്പത്തികശാസ്ത്രം , മനശാസ്ത്രം തുടങ്ങിയ ശാസ്ത്രശാഖകള്‍ നമുക്ക് പരിചിതമാണ് . എന്നാല്‍ അറിവുശാസ്ത്രം അഥവാ ജ്ഞാനശാസ്ത്രം എന്നൊരു വിജ്ഞാനശാഖയെപ്പറ്റി നമ്മില്‍ മിക്കവരും കേട്ടിരിക്കാനിടയില്ല . ജീവികളെക്കുറിച്ചും സമ്പത്തിനെക്കുറിച്ചും മനസ്സിനെക്കുറിച്ചും മറ്റും നമുക്ക് അറിവ് നേടാം , എന്നാല്‍ അറിവിനെക്കുറിച്ച് അറിവ് നേടാനാകുമോ എന്ന് നാം അതിശയിക്കും . Epistemology എന്ന പേരില്‍ ഫിലോസഫിയില്‍ ഒരു പഠനവിഭാഗമുണ്ട് . Episteme എന്ന ഗ്രീക്ക് വാക്കിന് അറിവ് എന്നാണര്‍ത്ഥം . Epistemology എന്നാല്‍ അറിവിനെക്കുറിച്ചുള്ള പഠനം എന്നര്‍ത്ഥം . Cognitive psychology എന്ന ഒരു മനശാസ്ത്രവിഭാഗം ഉണ്ട് . മനസ്സ് കൊണ്ടാണല്ലോ നാം അറിവ് നേടുന്നത് . അതുകൊണ്ട് മനസിനെക്കുറിച്ചുള്ള പഠനത്തിന്റെ ഭാഗമായി അറിവിനെക്കുറിച്ചുള്ള പഠനവും ഉള്‍പ്പെടുത്തിയിരിക്കുന്നു . Psychology യും Philosophy യും പഠിക്കുന്നവര്‍ക്ക് മാത്രമല്ല , എല്ലാവര്‍ക്കും അറിവിനെക്കുറിച്ച് കുറച്ച് അറിവുണ്ടാകുന്നത് നല്ലതാണ് . എന്താണ് അറിവ് ? ആരാണ് അറിവ് നേടുന്നത് ? നാം അറിവ് നേടുന്നത് എന്...
Read more

എന്തുണ്ട് വിശേഷം പീലാത്തോസേ?

-
സക്കറിയ എന്ന പ്രശസ്ത എഴുത്തുകാരന്‍ രചിച്ചു 1997 ല്‍ DC Books പ്രകാശനം ചെയ്ത ഒരു ചെറു നോവലാണ് ഇത്.  യേശുവിനെ വധശിക്ഷക്ക് വിധിക്കാനുണ്ടായ സാഹചര്യം ന്യായാധിപനായിരുന്ന പീലാത്തൊസിന്‍റെ കാഴ്ചപ്പാടിലൂടെ കാണുകയാണ് ഇതില്‍. തന്റെ ഒരു സുഹൃത്തുമായി പീലാത്തൊസ് നടത്തുന്ന കത്തിടപാടുകളുടെ രൂപത്തിലാണ് കഥ പറഞ്ഞിരിക്കുന്നത്. ബാല്യകാല സുഹൃത്തായ ആന്‍റോണിയോസില്‍ നിന്നും പീലാത്തൊസിന് ഒരു കത്തു ലഭിക്കുന്നു. യേശുവിന്റെ കുരിശുമരണം നടന്ന ആഴ്ചയിലായിരുന്നു അത്. അതിന്റെ മറുപടിക്കത്തില്‍ പീലാത്തൊസ് തന്റെ ഉള്ളം തുറക്കുന്നു. യേശുവിനെ തൂക്കാന്‍ വിധിക്കാന്‍ താന്‍ നിര്‍ബന്ധിതനായ സാഹചര്യം സവിസ്തരം പ്രതിപാദിക്കുന്നു. റോമിലും താന്‍ ഗവര്‍ണറായിരുന്ന യഹൂദ പ്രവിശ്യയിലും നിലവിലിരുന്ന രാഷ്ട്രീയ സാംസ്കാരിക പശ്ചാത്തലം വിവരിച്ചിരിക്കുന്നു. അതോടൊപ്പം തന്റെ ജീവിതവീക്ഷണവും വ്യക്തമാക്കിയിരിക്കുന്നു. ഇടയ്ക്കു ഒരു അദ്ധ്യായത്തില്‍ പീലാത്തൊസിന്‍റെ സ്റ്റെനോഗ്രാഫറായ റൂത്തിന്റെ കണ്ണുകളിലൂടെ പീലാത്തൊസിന്‍റെ വ്യക്തിത്വത്തിന്റെ ഒരു വീക്ഷണം വായനക്കാരന് ലഭിക്കുന്നു. രൂത്തും, പീലാത്തൊസിന്‍റെ ഭാര്യ ജൂലിയയും, മഗ്നലന മറിയയും ഉള്‍പ്പെട്ട ഒരു...
Read more