മരുഭൂമിയിലെ ശബ്ദം

 Sapiens A brief history of humankind  Yual Noah Harrari (1976--) Vintage 2015   Page 500   യെരുശലേം യൂണിവേഴ്സിറ്റിയിലെ ചരിത്ര പ്രൊഫസർ ആണ് യുവാൽ നോവ ഹരാരി. വെറും 35 വയസ്സുള്ളപ്പോഴാണ് ഈ പുസ്തകം പ്രസിദ്ധീകരിക്കപ്പെടുന്നത്.  മനുഷ്യവർഗ്ഗത്തിന്റെ കഥ വളരെ രസകരമായി പ്രതിപാദിക്കുന്ന ഈ പുസ്തകം എബ്രായ ഭാഷയിലാണ് ആദ്യം എഴുതപ്പെട്ടത്. പിന്നീട് അത് അൻപതോളം ഭാഷകളിലേക്ക് തർജ്ജമ ചെയ്യപ്പെടുകയും ലോകമെങ്ങും ഉള്ള ലക്ഷക്കണക്കിന് ആളുകൾ വായിക്കുകയും ചെയ്തു.   മനുഷ്യവർഗ്ഗം ഭൂമുഖത്ത് ആവിർഭവിച്ചിട്ട് 25 ലക്ഷം വർഷം ആകുന്നു. അതിലെ Sapiens എന്ന വകഭേദം ഉണ്ടായിട്ട് 200,000 വർഷങ്ങൾ ആകുന്നു. ഏതാണ്ട് 13,000 വർഷങ്ങൾക്കു മുമ്പ്  മറ്റ് വകഭേദങ്ങളെല്ലാം അപ്രത്യക്ഷമായി.  ജീവശാസ്ത്രപരമായി  മനുഷ്യനും കുരങ്ങും തമ്മിൽ പറയത്തക്ക വ്യത്യാസങ്ങൾ ഇല്ല. മനുഷ്യന്റേത് കുറെക്കൂടി വലിയ തലച്ചോറാണ്. ഇല്ലാത്ത കാര്യങ്ങൾ സങ്കൽപ്പിക്കാനുള്ള അഭൂത പൂർവ്വമായ കഴിവ് നേടിയപ്പോഴാണ് മനുഷ്യൻ മൃഗങ്ങളിൽ നിന്ന് വ്യത്യസ്തനാകാൻ തുടങ്ങിയത്. 150 അംഗങ്ങളിൽ കൂടുതൽ മൃഗസമൂഹങ്ങളിൽ കാണുകയില്ല. എന്നാൽ കോടിക്കണ...