മരുഭൂമിയിലെ ശബ്ദം

നാമെല്ലാം ലോകത്തില്‍ ജീവിക്കുന്നു ; എന്നാല്‍ നാം ജീവിതത്തെ മനസിലാക്കുന്നത് ഒരുപോലെയല്ല . നാം ജീവിതത്തെ എങ്ങനെ മനസിലാക്കുന്നുവോ അതനുസരിച്ചായിരിക്കും നമ്മുടെ ജീവിതം നാം കെട്ടിപ്പടുക്കുന്നത് . ഒരു ചെറുകുടില്‍ പോലെയുള്ള വീട് സങ്കല്പിക്കുന്നയാള്‍ക്ക് കൊട്ടാരം പോലെയുള്ള വീട് നിര്‍മ്മിക്കുവാന്‍ സാധിക്കുകയില്ല . മനസ്സില്‍ നാം എന്ത് കാണുന്നുവോ അതാണ്‌ നാം യാഥാര്‍ത്ഥ്യമാക്കുന്നത് . നമ്മുടെ ജീവിതത്തെ വലുതായി സങ്കല്‍പ്പിക്കുവാന്‍ നമുക്ക് സാധിച്ചാല്‍ മാത്രമേ വലിയൊരു ജീവിതം നമുക്ക് ജീവിക്കുവാന്‍ കഴിയൂ . ജീവിതത്തെ സങ്കല്പിക്കുന്നതിനെയാണ് ഇവിടെ നാം ജീവിതവീക്ഷണം എന്ന് വിളിക്കുന്നത് . ജീവിതം സങ്കല്പിക്കുന്നതിന് ജീവിതത്തെ സംബന്ധിക്കുന്ന അടിസ്ഥാന ചോദ്യങ്ങള്‍ക്ക് ഉത്തരം തേടണം . നാം ആരാണ് , നാം പരസ്പരം എങ്ങനെ ബന്ധപ്പെട്ടിരിക്കുന്നു ? എവിടെയാണ് നാം ? എന്തിനുവേണ്ടിയാണ് നാം ജീവിക്കുന്നത് ? എങ്ങനെ വേണം നാം ജീവിക്കുവാന്‍ ? ഇത്തരം അടിസ്ഥാന ചോദ്യങ്ങള്‍ക്ക് എത്രയും അര്‍ത്ഥവത്തായ ഉത്തരങ്ങള്‍ നാം കണ്ടെത്തുന്നുവോ , അത്രയും അര്‍ത്ഥവത്തും മഹത്തുമായിരിക്കും നമ്മുടെ ജീവിതവീക്ഷണം . നാം സര്‍വ്വസാധാരണയായി ഉപയോഗിക്കുന്ന ...

മനുഷ്യരായ നമുക്ക് നമ്മെപ്പറ്റി ചിലതെല്ലാം അറിയാം . എന്നാല്‍ മനുഷ്യനെ സംബന്ധിക്കുന്ന അടിസ്ഥാന ചോദ്യങ്ങള്‍ക്ക് ഇന്നും നമുക്ക് വ്യക്തമായ ഉത്തരമില്ല . മനുഷ്യനെക്കുറിച്ച് അഞ്ച് അടിസ്ഥാനചോദ്യങ്ങള്‍ക്ക് ഇവിടെ ഉത്തരം തേടാം മനുഷ്യന്‍ ഉണ്ടായിരിക്കുന്നത് എന്തെല്ലാം ചേര്‍ന്നാണ് ? മനുഷ്യ വ്യക്തിയും മനുഷ്യസമൂഹവും തമ്മിലുള്ള ബന്ധമെന്താണ് ? മനുഷ്യന്‍ ലോകവുമായി എങ്ങനെ ബന്ധപ്പെട്ടിരിക്കുന്നു? മനുഷ്യന്‍ ദൈവവുമായി എങ്ങനെ ബന്ധപ്പെട്ടിരിക്കുന്നു? മനുഷ്യന്റെ അടിസ്ഥാനസ്വഭാവമെന്താണ്? ഈ ചോദ്യങ്ങള്‍ക്ക് സംശയാതീതമായ വസ്തുതകള്‍ ഉത്തരങ്ങളായി ഇല്ലാത്തതുകൊണ്ട് നമുക്കുള്ളത് വിശ്വാസങ്ങളും സങ്കല്പങ്ങളും മാത്രമാണ് . ഓരോ ചോദ്യത്തിനും ലഭ്യമായ ഉത്തരങ്ങള്‍ പരിശോധിക്കാം . അവയില്‍ പലതും വളരെ ജനസമ്മതി ഉള്ളതാണെങ്കിലും യുക്തിഭദ്രമല്ല . 1. മനുഷ്യന്‍ ഉണ്ടായിരിക്കുന്നത് എന്തെല്ലാം ചേര്‍ന്നാണ് ? ഈ ചോദ്യത്തിന് പൊതുവേ മൂന്ന് ഉത്തരങ്ങള്‍ നിലവിലുണ്ട് . ദേഹവും ദേഹിയും ചേര്‍ന്നത് ദേഹം മാത്രം നമുക്കറിഞ്ഞുകൂടാ ; കാരണം , മനുഷ്യന്റെ...

എന്റെ ശരീരത്തിനുള്ളില്‍ എന്റെ ഭാഗമായി ജീവിക്കുന്ന ഒരു കോശത്തിന് ചിന്തശേഷിയുണ്ടെങ്കില്‍ അത് എപ്പോഴും എന്നെക്കുറിച്ച് അറിവ് നേടിക്കൊണ്ടിരിക്കും . എങ്കിലും ഒരിക്കലും അതിന് എന്റെ ശരീരത്തിന്   വെളിയില്‍ വന്ന് എന്നെ വസ്തുനിഷ്ടമായി നോക്കിക്കാണാനാവില്ല . അതുകൊണ്ട് എന്നെ പൂര്‍ണമായി അറിയാനുമാവില്ല . അതുപോലെ ലോകത്തിനുള്ളില്‍ ലോകത്തിന്റെ ഭാഗമായി ജീവിക്കുന്ന നമുക്ക് ലോകത്തെക്കുറിച്ചുള്ള അറിവ് എപ്പോഴും വര്‍ദ്ധിച്ചുകൊണ്ടിരിക്കുന്നു . എങ്കിലും  നമുക്ക് ഒരിക്കലും ലോകത്തിന് വെളിയില്‍ പോയി അതിനെ വസ്തുനിഷ്ടമായി നോക്കിക്കാണാനാവില്ല . അതുകൊണ്ട് ഒരിക്കലും ലോകത്തെ അതായിരിക്കുന്നത് പോലെ മനസിലാക്കുവാന്‍ നമുക്ക് സാധിക്കുകയില്ല . നമ്മുടെ അറിവ് എപ്പോഴും ഭാഗികമാണ് . ലോകത്തെ യഥാര്‍ത്ഥമായി മനസിലാക്കാന്‍ നമുക്ക് കഴിയുകയില്ലെങ്കില്‍      പിന്നെ നമുക്ക് സാധിക്കുന്നത് അതിനെ സങ്കല്പിക്കാന്‍ മാത്രമാണ് . അറിയാത്ത കാര്യങ്ങള്‍ സങ്കല്പിക്കാനും വിശ്വസിക്കാനും മാത്രമേ നമുക്ക് കഴിയൂ . ഒരു ലോകത്തിലാണ് നാമെല്ലാം ജീവിക്കുന്നതെങ്കിലും ലോകത്തെ നാം സങ്കല്പിക്കുന്നത് ഒരുപോലെയല്ല . നമ്മുടെയെല്ലാം സങ്ക...