മരുഭൂമിയിലെ ശബ്ദം

  ഒരു വാക്കിന് ഒരു അർത്ഥം മാത്രം, ഒരു അർത്ഥം പ്രകടിപ്പിക്കുവാൻ ഒരു വാക്കു മാത്രം -- ഇങ്ങനെയായിരുന്നെങ്കിൽ എന്തു നന്നായിരുന്നു!   എന്നാൽ നമ്മുടെ എല്ലാ ഭാഷകളിലും ഓരോ വാക്കിനും നിരവധി അർത്ഥങ്ങളുണ്ട്, ഓരോ ആശയവും പ്രകടിപ്പിക്കുവാൻ നിരവധി വാക്കുകളും ഉണ്ട്. ഒരു പ്രത്യേക സന്ദർഭത്തിൽ ഒരു വാക്കിന്റെ ശരിയായ അർത്ഥം എന്താണെന്ന് ഊഹിച്ചെടുക്കുകയേ നിവൃത്തിയുള്ളൂ.   അർത്ഥം എന്ന വാക്കിന് തന്നെ ഒന്നിലധികം അർത്ഥങ്ങളുണ്ട്. Meaning എന്ന അർത്ഥം കൂടാതെ ധനം എന്നും ആ വാക്കിന് അർത്ഥമുണ്ട്.   ഇത്രയും ആമുഖമായി പറഞ്ഞത് നാം വളരെ സാധാരണയായി ഉപയോഗിക്കുന്ന ഒരു വാക്കിന്റെ അർത്ഥം കണ്ടെത്തുവാനാണ്. "ഞാൻ" എന്ന വാക്കാണ് ഇവിടെ നമ്മുടെ വിഷയം. ഒരാൾ "ഞാൻ" എന്നു പറയുമ്പോൾ അയാൾ എന്താണ് ഉദ്ദേശിക്കുന്നത്?   ഞാൻ എന്നു പറഞ്ഞാൽ നീയല്ല, അവനല്ല, അവളല്ല, അതല്ല, ഞങ്ങളല്ല, അവരല്ല, ഞാൻ തന്നെ, അതായത് ഒരാൾ അയാളെത്തന്നെ സൂചിപ്പിക്കാൻ വേണ്ടി ആ വാക്ക് ഉപയോഗിക്കുന്നു.   എന്നാൽ ഈ അർത്ഥം മാത്രമേ ആ വാക്കിനുള്ളൂ എന്ന് ധരിച്ചാൽ നമുക്ക് തെറ്റി. കഴിഞ്ഞ നൂറ്റാണ്ടിൽ തമിഴ്നാട്ടിൽ ജീവിച്ചിരുന്ന രമണമഹർഷിക്...

  സ്വർഗ്ഗസമാനമായി ഇരിക്കേണ്ടതാണ് നമ്മുടെ ലോകം. എന്നാൽ അത് നമ്മുടെ സ്വപ്നമായി മാത്രം അവശേഷിക്കുന്നു. ഇത് നരകസമാനമായി മാത്രം നമുക്ക് എപ്പോഴും അനുഭവപ്പെടുന്നു.   ആരോഗ്യത്തോടെ നിലനിൽക്കേണ്ട ലോകം എപ്പോഴും രോഗാതുരമായി അനുഭവപ്പെടുന്നു. ഇതിന്റെ കാരണം കണ്ടെത്തിയാൽ മാത്രമേ പരിഹാരം കണ്ടെത്താനും നമുക്ക് സാധിക്കു.   ഒരു നാട്ടിലെ ജനജീവിതം പ്രശ്നസങ്കീർണം ആണെങ്കിൽ അതിന്റെ സ്വാഭാവികമായുള്ള കാരണം ആ നാട് ഭരിക്കുന്നവരുടെ കഴിവില്ലായ്മയാണ്, അതല്ലെങ്കിൽ ഉത്തരവാദിത്വമില്ലായ്മയാണ്.   നമ്മുടെ ലോകം ഒരു വലിയ രാജ്യം പോലെയാണെന്നും അതിന് ഒരു രാജാവുണ്ടെന്നും പണ്ടുകാലം മുതൽ മനുഷ്യർ സങ്കൽപ്പിച്ചിട്ടുണ്ട്. ആ രാജാവിനെ ദൈവം എന്ന് വിളിക്കുന്നു.   നമ്മുടെ ലോകത്തിലെ പ്രശ്നങ്ങൾക്കെല്ലാം കാരണം ഈ ലോകം ഭരിക്കുന്ന ദൈവമാണ് എന്ന ചിന്ത സ്വാഭാവികമായി ആർക്കും ഉണ്ടാകാം. എന്നാൽ ദൈവം സർവ്വശക്തനും സർവ്വജ്ഞനും ആണെങ്കിൽ ദൈവത്തിന് കഴിവില്ലായ്മ ഉണ്ടെന്നോ ദൈവത്തിന് ഉത്തരവാദിത്വം ഇല്ലെന്നോ ചിന്തിക്കുന്നത് യുക്തിസഹമല്ല.   ഒരു രാജാവ് തന്റെ രാജ്യം ഭരിക്കുന്നത് ഒരിക്കലും ഒറ്റയ്ക്ക് അല്ല. തന്നെ സ...

  കഴിഞ്ഞയാഴ്ച ബാലിയിൽ പോകാൻ അവസരം ഉണ്ടായി. ഏതാണ്ട് അര നൂറ്റാണ്ട് മുമ്പ് എസ് കെ പൊറ്റക്കാടിൽ നിന്നാണ് ബാലിയെക്കുറിച്ച് ആദ്യമായി നാം കേട്ടത്. ഇന്തോനേഷ്യ എന്ന രാജ്യത്തിന്റെ ഭാഗമായ ഒരു ദ്വീപാണ് അത്. ഏതാണ്ട് അരക്കോടി ആളുകൾ അവിടെ താമസിക്കുന്നു. ഇൻഡോനേഷ്യ ഒരു ഇസ്ലാം ഭൂരിപക്ഷ പ്രദേശമാണെങ്കിലും, ബാലിയിൽ ഭൂരിപക്ഷവും പിന്തുടരുന്നത് ഹൈന്ദവ സംസ്കാരമാണ്. ആർക്കും അവിടെ മതതീവ്രത ഉള്ളതായി തോന്നിയില്ല.   ടൂറിസം ആണ് അവരുടെ പ്രധാന വരുമാനമാർഗ്ഗം. ദിവസവും ഏതാണ്ട് 50000ത്തോളം ആളുകൾ അവിടെ വന്നിറങ്ങുന്നു. ടൂറിസവുമായി ബന്ധപ്പെട്ട തൊഴിലുകളിൽ ധാരാളം പട്ടണവാസികൾ ഏർപ്പെടുന്നു. ഗ്രാമങ്ങളിൽ നന്നായി കൃഷിയുണ്ട്. ഇന്തോനേഷ്യയുടെ മറ്റു പ്രദേശങ്ങളിൽ നിന്ന് തൊഴിൽ തേടി എത്തുന്നവരും അവിടെയുണ്ട്.   ആളുകൾ പൊതുവേ കഠിനാധ്വാനികളാണ്. തൊഴിലില്ലായ്മ ഉള്ളതായി തോന്നിയില്ല. എവിടെയും ഒരു ഭിക്ഷക്കാരനെപ്പോലും കണ്ടില്ല. ആരും ലോട്ടറി വിറ്റ് നടക്കുന്നില്ല. ആരും വഴിയോരങ്ങളിൽ കച്ചവടം നടത്തുന്നില്ല. കുടിച്ച് ലക്ക് കെട്ട് അവിടെ ആരും നടക്കുന്നില്ല. ആരും മയക്കുമരുന്നുകൾ ഉപയോഗിക്കുന്നില്ല.   എല്ലാവരും വളരെ മര്യാദയോട...

  നൂറ്റാണ്ടുകളായി ക്രൈസ്തവ സഭകൾ വികസിപ്പിച്ചെടുത്ത സങ്കീർണ്ണമായ സിദ്ധാന്തങ്ങളിൽ നിന്ന് മോചിതമായി യേശുവിന്റെ ലളിതമായ ഉപദേശങ്ങളിലേക്ക് മടങ്ങണമെന്ന് ചിന്തിക്കുന്ന ധാരാളം പേർ ഈ കാലത്തുണ്ട്. ഈ അഭിപ്രായത്തിന് ചരിത്രപരവും ചിന്താധാരാപരവുമായ പല വശങ്ങളുണ്ട്. ഇതിനെക്കുറിച്ചുള്ള ചില വിശകലനങ്ങൾ: 1. യേശുവിന്റെ ഉപദേശങ്ങളും സഭാപരമായ സങ്കീർണ്ണതയും    യേശുവിന്റെ സന്ദേശം സ്നേഹം, സമാധാനം, സാമൂഹ്യനീതി, ദയ എന്നിവയിൽ കേന്ദ്രീകരിച്ചിരുന്നു (ഉദാ: മത്തായി 5-7,). എന്നാൽ, ക്രിസ്ത്യാനിറ്റി ഒരു ലോകമതമായി വളരുമ്പോൾ, ത്രിത്വം, മോക്ഷസിദ്ധാന്തം, സഭാവിധികൾ തുടങ്ങിയ സങ്കൽപ്പങ്ങൾ രൂപം കൊണ്ടു. ഇവയിൽ ചിലത് ബൈബിളിന്റെ ഭാഷ്യങ്ങളിലൂടെയോ സാംസ്കാരിക സംയോജനത്തിലൂടെയോ ഉടലെടുത്തവയാണ്. 2. ചരിത്രത്തിലെ പ്രവണതകൾ    - പുനർസ്ഥാപന പ്രസ്ഥാനങ്ങൾ: 16-ാം നൂറ്റാണ്ടിലെ പ്രൊട്ടസ്റ്റന്റ് നവീകരണം മുതൽ, "സുവിശേഷത്തിന്റെ ലാളിത്യത്തിലേക്ക്" മടങ്ങാനുള്ള ശ്രമങ്ങൾ നടന്നിട്ടുണ്ട്. ഉദാ: ക്വേക്കർമാർ, അനാബാപ്റ്റിസ്റ്റുകൾ എന്നിവർ ആചാരങ്ങളെക്കാൾ ആത്മീയതയിൽ ഊന്നൽ നൽകി.      - ആധുനിക ലിബറൽ തിയോളജി. 19-...

  ഭാവിയിൽ എന്നോ ഈ നാട്ടിൽ ദൈവഭരണം വരും എന്ന് കാത്തിരുന്ന തന്റെ നാട്ടുകാരോട് യേശു പറഞ്ഞു: ദൈവം തന്നെയാണ് നമ്മുടെ ലോകം ഭരിക്കുന്നത്. എന്നാൽ നാം ഇനിയും ദൈവത്തെ നമ്മുടെ രാജാവായി സ്വീകരിച്ചിട്ടില്ല.   ദൈവം തന്റെ ഭരണം ആരെയും അടിച്ചേൽപ്പിക്കുന്നില്ല. സന്തോഷത്തോടെ,  മനസ്സോടെ നമ്മുടെ രാജാവായി ദൈവത്തെ സ്വീകരിക്കുമ്പോഴാണ് നാം ദൈവഭരണത്തിൽ ആകുന്നത്.   ദൈവഭരണം നമ്മുടെ ജീവിതത്തിൽ എങ്ങനെ ഒരു യാഥാർത്ഥ്യമാക്കാം എന്ന് യേശു വളരെ വ്യക്തമായി പഠിപ്പിച്ചു. യേശു പറഞ്ഞ രണ്ട് ഉപമകളിലൂടെയാണ് ഈ കാര്യം ഈ എഴുത്തുകാരന് വ്യക്തമായത്. ഒന്ന് മുടിയനായ പുത്രന്റെ കഥയാണ്. സ്വന്തം തെറ്റ് സമ്മതിച്ചും പിതാവിനെ ന്യായീകരിച്ചുംകൊണ്ട് അനുതാപ ഹൃദയത്തോടെ അവൻ അപ്പന്റെ ഭരണത്തിനായി സ്വയം ഏൽപ്പിച്ചു കൊടുക്കുന്നു. എന്നാൽ സ്വയം ന്യായീകരിച്ചുകൊണ്ട് അവന്റെ ജേഷ്ഠൻ വീടിന് പുറത്തുനിൽക്കുന്നു. ജേഷ്ഠൻ സ്വയം ന്യായീകരിച്ചുകൊണ്ട് പുറത്തു നിൽക്കുമ്പോൾ, അനുജൻ സ്വയം കുറ്റപ്പെടുത്തിക്കൊണ്ടും പിതാവിനെ ന്യായീകരിച്ചു കൊണ്ടും അകത്തേക്ക് പ്രവേശിക്കുന്നു.   ദൈവരാജ്യത്തിന്റെ വാതിൽ മലർക്കെ തുറന്നുകിടക്കുകയാണ്. അവിടെ കടക്കാ...

ഉള്ളടക്കം     എന്താണ് പാപം?   എന്തുകൊണ്ട് നാം പാപം ചെയ്യുന്നു?   ആരാണ് പാപം ചെയ്യുന്നത്?   എന്താണ് പാപത്തിന്റെ ഫലം?   എങ്ങനെ പാപത്തെ നമുക്ക് ജയിക്കാം?   എങ്ങനെ പാപത്തെ കാണണം?   തിന്മ ഒരു ദൈനംദിന യാഥാർത്ഥ്യമാണ്. നമുക്ക് ചുറ്റും മാത്രമല്ല, നമ്മുടെ ഉള്ളിലും നാം അത് അനുഭവിക്കുന്നു. മനുഷ്യജാതി അതിന്റെ അസ്തിത്വത്തിന്റെ തുടക്കം മുതൽക്കേ തിന്മയുടെ പ്രശ്നം അറിഞ്ഞിരുന്നു, പരിഹരിക്കാനാവാത്ത ഒരു പ്രശനമായി അത് ഇന്നും തുടരുന്നു. വിവിധ കോണുകളിൽ നിന്ന് നോക്കി അതിനെക്കുറിച്ച് നമുക്ക് നിരവധി ചോദ്യങ്ങൾ ചോദിക്കാം — എന്ത്, എന്തുകൊണ്ട്, ആര്, എങ്ങനെ എന്നിവ. നമ്മുടെ അന്വേഷണം ക്രൈസ്തവ പാരമ്പര്യത്തിനുള്ളിൽ പരിമിതപ്പെടുത്തുന്നതിനാൽ, തിന്മയെക്കാൾ പാപത്തെക്കുറിച്ചാണ് നാം സംസാരിക്കുന്നത്.   എന്താണ് പാപം?   പാപത്തിന്റെ അർത്ഥം തേടുമ്പോൾ, മൂലഭാഷകളായ ഹീബ്രു, ഗ്രീക്ക് എന്നിവയില്‍ ലക്ഷ്യം മാറല്‍ എന്ന അർത്ഥം കണ്ടെത്തുന്നു, അതായത് ആദർശത്തിൽ നിന്ന് വ്യതിചലിക്കൽ. മനുഷ്യന്റെ അസ്തിത്വത്തിന്റെ ആദർശം സ്നേഹത്തിൽ ഐക്യപ്പെട്ട ഒരു അസ്തിത്വമ...