മരുഭൂമിയിലെ ശബ്ദം

 ഈയിടെ വളരെ ഹൃദയ സ്പര്‍ശിയായ ഒരു ചലച്ചിത്രം കാണുവാനിടയായി -celluloid എന്നാണു അതിന്റെ പേര്. ജാതിചിന്തയുടെ ബീഭല്‌സതയെ തുറന്നുകാട്ടുന്ന ഈ  ചലച്ചിത്രം എല്ലാവരും കാണേണ്ട ഒന്നാണ് എന്ന് ഞാന്‍ കരുതുന്നു. മറ്റു ഭാഷകളിലേക്ക് തര്‍ജമ ചെയ്യപ്പെടേണ്ട ഒന്നാണ് ഇത് എന്നും ഞാന്‍ കരുതുന്നു. മലയാളത്തിലെ ആദ്യത്തെ ചലച്ചിത്രത്തിന്റെ കഥയാണ്‌ ഇത്. 1920- കളുടെ ഒടുവില്‍ J C Daniel നിര്‍മ്മിച്ച വിഗതകുമാരന്‍ (The Lost Child) ആണ് അത്. മലയാളക്കരയിലേക്ക് സിനിമ കൊണ്ടുവരാന്‍ ഒരു മലയാളി നടത്തിയ സാഹസികമായ പരിശ്രമങ്ങളെ അതിരസകരമായി ചിത്രീകരിച്ചിരിക്കുന്നു.  സിനിമാനിര്‍മ്മാണം പൂര്‍ത്തിയാക്കിയെങ്കിലും ഒരു പ്രാവശ്യം പോലും അത് പ്രദര്‍ശിപ്പിക്കാന്‍ കഴിഞ്ഞില്ല. ആ സിനിമയില്‍ നായികയുടെ വേഷമിട്ട സ്ത്രീക്ക് ഒരു പ്രാവശ്യം പോലും തന്നെ വെള്ളിത്തിരയില്‍ കാണാന്‍ ഭാഗ്യം ഉണ്ടായില്ല. വിവേകാനന്ദനെക്കൊണ്ട്‌ ഭ്രാന്താലയം എന്ന് വിളിപ്പിച്ച സാമൂഹ്യവ്യവസ്ഥിതിയാണ്  അതിനു കാരണമായിതീര്ന്നത്. അതില്‍ നായികയായി വേഷമിട്ടത് അന്നത്തെ താണ ജാതിയില്‍ പെട്ട ഒരു സ്ത്രീ ആയിരുന്നു . ഒരു താണ ജാതിക്കാരി അഭിനയിക്കുന്ന സിനിമ ...

നീലിമംഗലം സെന്‍റ് ഗ്രിഗോറിയോസ് ഓര്‍ത്തോഡോക്സ് പള്ളിയിലെ ആദ്ധ്യാത്മിക സംഘടനകളുടെ  വാര്‍ഷികത്തില്‍ 2013 ഫെബ്രുവരി 10 നു ചെയ്ത പ്രഭാഷണത്തിന്റെ ചുരുക്കം, നമ്മുടെ ആദ്ധ്യാത്മിക സംഘടനകളുടെ വാര്‍ഷികം കൊണ്ടാടുന്ന ഈ വേളയില്‍ നമ്മുടെ ജീവിതത്തില്‍ ഇവയുടെ പ്രസക്തിയെ സംബന്ധിക്കുന്ന ചില ചിന്തകള്‍ നിങ്ങളുമായി പങ്കു വയ്ക്കുവാന്‍ ഈ സമയം ഉപയോഗിച്ച് കൊള്ളട്ടെ. ഇവിടുത്തെ സണ്ടേസ്കൂള്‍ വിദ്യാര്‍ദ്ധികള്‍ക്കും അധ്യാപകര്‍ക്കും മാതാപിതാക്കള്‍ക്കും ഈ  ദേവാലയത്തിന്റെ നടത്തിപ്പുകാര്‍ക്കും മാതൃകയാക്കാവുന്ന ചിലരെ ഞാന്‍ നിങ്ങള്ക്ക് പരിചയപ്പെടുത്താം. ഇരുപതാം നൂറ്റാണ്ട് ലോകമഹായുദ്ധങ്ങളുടെ നൂറ്റാണ്ടായിരുന്നു. മുപ്പതുകളിലും നാല്‍പതുകളിലുമായി രണ്ടു മഹായുദ്ധങ്ങള്‍ക്ക് ലോകം സാക്ഷിയായി. അതിനു ശേഷമുള്ള നാല് പതിറ്റാണ്ടുകള്‍ ശീതയുദ്ധത്തിന്റെ കാലമായിരുന്നു. ‍ രണ്ടു സാമ്രാജ്യശക്തികള്‍ മദയാനകളെപ്പോലെ കൊമ്പ് കോര്‍ത്തപ്പോള്‍ ലോകം ഭയന്നു വിറച്ചു. ലോകത്തെ അനേക തവണ നശിപ്പിക്കാന്‍ കെല്‍പ്പുള്ള അണ്വായുധങ്ങള്‍ ഇരുകൂട്ടരും സമാഹരിച്ചു. ഭൂമിയിലെ സര്‍വജീവജാലങ്ങളെയും ഭസ്മീകരിക്കാന്‍ കഴിയുന്ന ഒരു ...

ദൈവം പരിശുദ്ധന്‍ ആകുന്നു എന്ന് ദൈവസന്നിധിയില്‍ മാലാഖമാര്‍ അനുനിമിഷം പാടുന്നതായി എശായപ്രവാചകന്‍ ദര്‍ശിച്ചു. ദൈവമേ നീ  പരിശുദ്ധനാകുന്നു!    ബലവാനേ നീ പരിശുദ്ധനാകുന്നു! മരണമില്ലാത്തവനേ നീ പരിശുദ്ധനാകുന്നു! സ്വര്‍ഗത്തിലെ മാലഖമാരോട് ചേര്‍ന്ന്, ലോകമെമ്പാടുമുള്ള ക്രൈസ്തവര്‍ ദിവസവും പലയാവര്‍ത്തി ആവര്‍ത്തിക്കുന്ന വിശ്വാസപ്രഖ്യാപനമാണ് ഇത്. എന്താണു ഈ പ്രഖ്യാപനങ്ങളുടെ അര്ഥം? മനുഷ്യന്റെ ജീവിതത്തിൽ ഇവയ്ക്കുള്ള സ്ഥാനമെന്താണ്? ഈ ചോദ്യങ്ങള്‍ ഈയിടെ എന്റെ ധ്യാനപഠനത്തിനു വിഷയമായി. എന്റെ കണ്ടെത്തലുകള്‍ എന്നെത്തന്നെ അതിശയിപ്പിച്ചു. ദൈവത്തെക്കുറിച്ചുള്ള ഈ വിശ്വാസപ്രഖ്യാപനങ്ങള്‍ ക്രൈസ്തവ ജീവിതത്തിന്റെ അടിസ്ഥാനശിലകള്‍ ആകുന്നു എന്ന് ഞാന്‍ തിരിച്ചറിഞ്ഞു. ഇതറിഞ്ഞിരുന്നതു കൊണ്ടാണ് നമ്മുടെ പിതാക്കന്മാര്‍ ഈ പ്രഖ്യാപനങ്ങള്‍ക്ക് നമ്മുടെ ആരാധനയില്‍ കേന്ദ്രസ്ഥാനം നല്‍കിയത് എന്ന് എനിക്ക് ബോധ്യപ്പെട്ടു. ദൈവം പരിശുദ്ധന്‍ ആകുന്നു എന്ന് സ്വര്‍ഗനിവാസികള്‍ വിശ്വസിക്കുന്നത് കൊണ്ടാണ് സ്വര്‍ഗം സ്വര്‌ഗമായിരിക്കുന്നത് എന്ന് ഞാന്‍ മനസിലാക്കുന്നു  . അങ്ങനെയെങ്കില്‍ ഈ വിശ്...

മുഖത്തല YMCA -യുടെ പ്രാര്ധനാവാരം പ്രമാണിച്ച് Nov 11 ഞായറാഴ്ച മുഖത്തല St. George Orthodox  Church -ല്‍ വച്ച് നടന്ന യോഗത്തില്‍ ചെയ്ത പ്രഭാഷണത്തിന്റെ ചുരുക്കം.   Read a summary in English here . എബ്രായ ഭാഷയില്‍ ആളുകള്‍ പരസ്പരം അഭിവാദ്യം ചെയ്യുന്നത് ഷാലോം എന്നാണ്. സമാധാനം എന്നാണ് ഇത് മലയാളത്തില്‍ തര്‍ജമ ചെയ്യാറുള്ളത്. എന്നാല്‍ സമാധാനം കൂടാതെ സുഖവും സന്തോഷവും എല്ലാം ഇതിലുള്‍പ്പെടും. അറമായിക്ക് ഭാഷയില്‍ ഇത് ശ്ലോമോ എന്നായി. അറബി  ഭാഷയില്‍ സലാം എന്നും. ഭാഷ ഏതായാലും  അഭിവാദ്യത്തിന്റെ ഉള്ളടക്കം ഒന്ന് തന്നെ -- നന്മ ഉണ്ടാകട്ടെ  എന്ന്. വ്യക്തികള്‍ക്ക് മാത്രമല്ല  സമൂഹങ്ങള്‍ക്കും നാം  നന്മ ആശംസിക്കാറുണ്ട് സന്തോഷവും സമാധാനവും സുഖവും തീരെയില്ലാത്ത ഒരു ലോകത്തിലാണ് നാം ജീവിക്കുന്നത്. നമ്മുടെ  ലോകത്തിന്റെ  അവസ്ഥ നാം  മനസിലാക്കുന്നത്‌  സന്തോഷവും സമാധാനവും സുഖവും നിറഞ്ഞ ഒരു  ലോകത്തെ സങ്കല്‍പ്പിച്ചു കൊണ്ടാണ്. പണ്ട് അങ്ങനെയൊരു കാലം ഉണ്ടായിരുന്നു എന്ന്  സങ്കല്‍പ്പിച്ചു കൊണ്ടാണ് നാം ഓണം ആഘോഷിക്കുന്നത്. ഭാവിയില്‍...

 ഇക്കഴിഞ്ഞ ഞായറാഴ്ച വിശുദ്ധ കുര്‍ബാനയില്‍ സംബധിച്ചപ്പോള്‍ എന്നെ വളരെ സന്തോഷിപ്പിച്ച ഒരു കാര്യം ഇവിടെ നിങ്ങളുമായി പങ്കു വയ്ക്കുന്നു. ശുശ്രൂഷക്കാരന്‍ ഒന്നാം  തുബ്ദേന്‍ ചൊല്ലിക്കഴിഞ്ഞു. ഇനി അടുത്തത് ക്രമപ്രകാരം  പുരോഹിതന്റെ പ്രാര്‍ഥനയാണ്.  എന്നാല്‍ പ്രാര്‍ഥന ചൊല്ലുന്നതിനു പകരം പുരോഹിതന്‍  ജനത്തോടു സംസാരിക്കുകയാണ്. "പ്രിയമുള്ളവരേ, നമുക്ക് നമ്മുടെ ചുറ്റുപാടുമുള്ള പല പ്രകാരത്തില്‍ വേദന അനുഭവിക്കുന്ന നമ്മുടെ സഹജീവികളെ ഈ സമയത്ത് ഓര്‍ക്കാം.     രോഗങ്ങളാലും ദാരിദ്ര്യത്താലും കഷ്ടപ്പെടുന്ന നമ്മുടെ സഹോദരങ്ങള്‍ക്കായി നമുക്ക് പ്രാര്‍ഥിക്കാം."  ഇപ്രകാരം പറഞ്ഞ ശേഷം പുരോഹിതന്‍  ക്രമപ്രകാരമുള്ള പ്രാര്‍ഥന ചൊല്ലി-- രണ്ടാം തുബ്ദേന്‍ ചൊല്ലുന്നതിനു മുമ്പുള്ള  പുരോഹിതന്റെ പ്രാര്‍ഥന. അത് രോഗങ്ങളാലും ദാരിദ്ര്യത്താലും വേദനിക്കുന്ന മനുഷ്യര്‍ക്ക്‌ വേണ്ടിയുള്ള പ്രാര്‍ഥന ആണെന്ന്  ഞാന്‍   തിരിച്ചറിഞ്ഞു. എനിക്ക് വളരെ സ...

 എന്താണ് വേദപുസ്തകത്തിന്റെ കേന്ദ്രസന്ദേശം? വേദപുസ്തകത്തിന് നമ്മോടു പറയാനുള്ളത് ഒറ്റ വാചകത്തില്‍ എങ്ങനെ പറയും? ഹ്യൂസ്ടന്‍ സെന്‍റ് മേരീസ് പള്ളിയില്‍ ഓഗസ്റ്റ് 12 ഞായറാഴ്ച നടത്തിയ പ്രഭാഷണം ഈ വിഷയത്തെക്കുറിച്ചായിരുന്നു. നാം വിശ്വസ്തരായിരിക്കണം എന്നതാണ് വേദപുസ്തകത്തിന് നമ്മോടു പറയാനുള്ള അടിസ്ഥാന സന്ദേശം. വിശ്വാസം, വിശ്വസ്തത എന്നീ പദങ്ങള്‍ക്കു ഒരു വാക്കേ ഉള്ളു ഗ്രീക്ക് ഭാഷയില്‍ --pistis. പലയിടത്തും  വിശ്വസ്തര്‍  എന്ന്  വരേണ്ടടത്തു   വിശ്വാസികള്‍  എന്നാണ് തര്‍ജമ ചെയ്തിരിക്കുന്നത്. നാം നമ്മെക്കുറിച്ചു വിശ്വാസികള്‍ എന്ന് വിശേഷിപ്പിക്കാറുണ്ട്. എന്നാല്‍ വിശ്വസ്തര്‍ എന്ന വിശേഷണമാണ് കൂടുതല്‍ ചേരുന്നത്. ലോകത്തിലുള്ള എല്ലാവരും എന്തെങ്കിലുമൊക്കെ വിശ്വസിക്കുന്നവരാണ്. അതുകൊണ്ട് വിശ്വാസികളല്ലത്തവര്‍ ആരുമില്ല. എന്നാല്‍ എല്ലാവരും വിശ്വസ്തരല്ല.  മറ്റുള്ളവര്‍ക്ക് എന്നെ വിശ്വസിക്കാമെങ്കില്‍ ഞാന്‍ വിശ്വസ്തനാണ്, സത്യസന്ധനാണ്-- Trustworthy and honest. സത്യസന്ധത ഇല്ലഞ്ഞാല്‍ മറ്റൊന്നും ഉണ്ടാവില്ല.  സ്നേഹമാണ് ഏറ്റവും...

 ഹ്യൂസ്ടന്‍, ജൂലായ്‌ 22.  മലയാളം സൊസൈറ്റി ഓഫ് അമേരിക്ക എന്ന സാംസ്‌കാരിക സംഘടന ജോണ് കുന്നത്തിന് സമുചിതമായ യാത്രയയപ്പ് നല്‍കി ആദരിച്ചു. ഈ സംഘടനയുടെ ആരംഭം മുതല്‍ അതിന്റെ സജീവഭാഗമായിരുന്ന ജോണ് കുന്നത് ഇന്ത്യയിലേക്ക്  താമസം മാറുന്നത് പ്രമാണിച്ചാണ് യാത്രയയപ്പ് പരിപാടി സംഘടിപ്പിച്ചത്. ജോണ് മാത്യു, തോമസ്‌ വര്‍ഗിസ്, ജോളി വില്ലി, മോളി മാത്യു, ജോര്‍ജ് മണ്ണിക്കരോറ്റ്  എന്നിവര്‍ ആശംസാപ്രസംഗങ്ങള്‍ നടത്തി.  ഗ്രിഗോറിയന്‍ ദര്‍ശനം  പ്രചരിപ്പിക്കുന്നത്  ജോണ് കുന്നത്ത്  തന്റെ ജീവിതദൌത്യമായി സ്വീകരിച്ചിരിക്കുകയാണ്  എന്ന് എല്ലാവരും അഭിപ്രായപ്പെട്ടു. ‍  ഗ്രിഗോറിയന്‍ ദര്‍ശനം എപ്രകാരമാണ് തന്നെ സ്വാധീനിക്കാനിടയായതെന്നു     മറുപടിപ്രസംഗത്തില് ജോണ് കുന്നത്ത്  വിശദമാക്കുകയുണ്ടായി. ഈമലയാളീ online പത്രത്തില്‍ വന്ന വാര്‍ത്ത‍ ഇവിടെ വായിക്കാം. ചിത്രങ്ങള്‍  ഇവിടെ  കാണാം   ജോര്‍ജ് മണ്ണിക്കരോട്ട് ജോണ് മാത്യു ജോളി വില്ലി    മോളി മാത്യു തോമസ്‌ വര്‍ഗിസ് ...